Praktyčna ŭsia zialonaja zona Minska apracavanaja ad klaščoŭ, paviedamiła na pres-kanfierencyi entamołah DU «Respublikanski centr hihijeny, epidemijałohii i hramadskaha zdaroŭja» Śviatłana Jaškova.
«Entamałahična abśledavanaja praktyčna ŭsia zialonaja zona, usie zony adpačynku i lesaparkavyja zony Minska, u tym liku terytoryi ŭsich zaharadnych azdaraŭlenčych dziciačych łahieraŭ stalicy. Tam, dzie vyjaŭleny adzinkavyja asobniki iksodavych klaščoŭ, byli ŭžytyja ekałahičnyja mietady baraćby i akarycydnaja apracoŭka», — raspaviała Śviatłana Jaškova.
Adnak heta nie harantuje taho, što klaščoŭ u Minsku nie budzie, bo srodki zmyvajucca daždžami, zaŭvažyŭ zahadčyk adździeła epidemijałohii DU «Respublikanski centr hihijeny, epidemijałohii i hramadskaha zdaroŭja» Uładzimir Paškovič. Jon dadaŭ, što entamołahi pieryjadyčna pravodziać adpaviednyja abśledavańni. Kali ŭźnikaje nieabchodnaść apracoŭki miescaŭ ahulnaha karystańnia, to vydajucca zahady i kantralujecca ich vykanańnie.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary