Ukraina dziakujučy padpisańniu 27 červienia ekanamičnaj častki Pahadnieńnia ab asacyjacyi ź Jeŭrapiejskim Sajuzam stała paŭnapraŭnym členam jaho enierhietyčnaj infrastruktury.
«Pahadnieńnie praduhledžvaje, što kampanii Ukrainy i Jeŭrasajuza buduć pracavać u adzinym narmatyŭna-pravavym poli, i
Ukraina stanovicca važnaj častkaj adzinaha jeŭrapiejskaha hazavaha rynku.
Adpaviedna, Ukraina, jakaja maje unikalnyja techničnyja mahčymaści pa transparciroŭcy i padziemnym zachoŭvańni hazu, atrymlivaje dadatkovy ryčah dla adstojvańnia svaich intaresaŭ u pytańniach enierhietyčnaha supracoŭnictva ź Jeŭrasajuzam», — cytuje pres-słužba NAK «Naftahaz Ukrainy» kiraŭnika praŭleńnia Andreja Kobaleva.
U paviedamleńni adznačajecca, što artykuł Pahadnieńnia «Supracoŭnictva ŭ śfiery vykarystańnia infrastruktury» ŭstanaŭlivaje, što kožny bok pavinien ŭličvać enierhietyčnyja sietki i mahčymaści inšaha boku pry raspracoŭcy prahramnych dakumientaŭ adnosna popytu i prapanovy, enierhietyčnych stratehij i płanaŭ raźvićcia infrastruktury.
Akramia taho, Pahadnieńnie praduhledžvaje, što baki pavinny prykładać namahańni dla sadziejničańnia vykarystańniu infrastruktury pieradačy i zachoŭvańnia hazu i, u vypadku nieabchodnaści, pravodzić kansultacyi adzin z adnym abo kaardynavać svaje dziejańni pa raźvićci infrastruktury.
Nahadajem, 21 sakavika Ukraina i Jeŭrasajuz padpisali palityčnuju častku Pahadnieńnia ab asacyjacyi. Siońnia, 27 červienia, Ukraina i Jeŭrapiejski Sajuz zaviaršyli padpisańnie Pahadnieńnia ab asacyjacyi ŭ poŭnym abjomie.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy30
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary