Strałok-Hirkin pryznaŭ, što ŭ Daniecku padtrymki mała, i ahučyŭ rascenki
Adzin ź lidaraŭ terarystaŭ Ihar Hirkin, jon ža «Strałok» i «Strałkoŭ», pryznaŭ, što Danieck nie hatovy vajavać z ukrainskaj armijaj — z tyłam i zabieśpiačeńniem u sieparatystaŭ drenna.
Pra heta rasijski dyviersant, jaki abviaściŭ siabie «hałoŭnakamandujučym» tak zvanaj «DNR», zajaviŭ u efiry danieckaha telebačańnia.
Pavodle jaho słoŭ, Danieck zaraz znachodzicca na «mirnym stanoviščy», i jaho stan možna paraŭnać z padrychtoŭkaj da abarony Słavianska dvuchmiesiacovaj daŭnaści.
Taksama «Strałok» skazaŭ, što na dadzienym etapie abarona Daniecka źviazana ź vialikaj kolkaściu achviar siarod jaho bajevikoŭ.
«My prymajem štodzionnyja miery dla taho, kab horad byŭ hatovy da abarony z punktu hledžańnia fartyfikacyjnaha», — zajaviŭ Hirkin.
Pry hetym jamu kryŭdna, što haradžanie žyvuć mirnym žyćciom i nie vierać, što «ŭkrainskija karnyja padraździaleńni mohuć raspačać masiravany artyleryjski ahoń i avijacyjnyja ŭdary pa žyłych kvartałach».
«Dla miljonnaha horada apałčeńnia vielmi mała», — skazaŭ jon, adkazvajučy na pytańnie ab kolkaści sił u prychilnikaŭ «DNR», jakuju Hienprakuratura Ukrainy pryznała terarystyčnaj arhanizacyjaj.
«Z tyłam ŭ nas usio drenna, drenna i z pastaŭkaj (nieabchodnaha)», — pryznaŭ Hirkin.
Pavodle jaho słoŭ, jamu treba 8—10 tysiač ludziej: «Ci kab jany sami pryjšli, abo kab byli pryzvanyja».
Akramia taho, jak paviedamlaje RIA «Novosti», Hirkin zajaviŭ, što «DNR» budzie stvarać «kantraktnuju armiju», jaje najmitam buduć vypłačvać ad 5 da 8 tysiač hryŭniaŭ.
«Chaciełasia b skazać, što šmat chto hatovy byŭ by, vidavočna, ustupić u apałčeńnie, kali b była harantyja dla siemjaŭ. Ciapier takaja harantyja budzie, pačynajučy z hetaha miesiaca, apałčencam płanujecca vypłačvać davoli surjoznyja, na pa miascovych mierkach, sumy, h.zn. ad piaci da vaśmi tysiač hryŭniaŭ», — skazaŭ jon.
«My płanujem ź lipienia ŭvieści apłatu… Heta značyć, my budziem stvarać kantraktnuju armiju», — zajaviŭ lidar terarystaŭ, pa mianušcy Strałok.
Słaviansk = Ukraina ŭ Tvitary taksama cytuje zajavu Hirkina ab tym, što «DNR» uviadzie «vajennaje stanovišča» ŭ rajonach zasiarodžvańnia ŭkrainskaj armii, a ŭ Daniecku i padkantrolnych rehijonach buduć stvorany «kamiendatury».
-
Pucin pavinšavaŭ Trampa z 80‑hodździem i zajaviŭ, što čakaje Zialenskaha ŭ Maskvie. Kreml śćviardžaje, što prezident ZŠA paabiacaŭ uździejničać na Kijeŭ
-
Tramp śpiašajecca padpisać mir ź Iranam da svajho 80-hodździa, ale Tehieran nie źbirajecca rabić takoha padarunka
-
Partyi siabra Łukašenki nie chapiła kala 160 hałasoŭ z usioj Armienii, kab trapić u parłamient
Kamientary