Anhielskamoŭny hurt ź Minska saśpieŭ da zapisu pieśni na biełaruskaj movie.
Pra svajo žadańnie zapisać pieśniu pa-biełarusku The Toobes paviedamili padčas svajho sumiesnaha kancertu z Akute ŭ PrimeHall. U słuchačoŭ mierkavańni adnosna surjoznaści hetaha namieru razyjšlisia, tamu Tuzin.fm spraŭdziŭ infarmacyju ŭ dyrektara hurta Viačasłava Łamakina. I toj paćvierdziŭ, što muzyki na poŭnym surjozie razvažajuć nakont taho, kab śpieć pa-biełarusku. Razhladaŭsia varyjant pieraśpiavać niešta z «Pieśniaroŭ», ale ŭ vyniku ad jaho admovilisia. «My – aŭtentyčnyja, tamu nie chočam jak va ŭsich. Majem pieśniu z treciaha albomu, jakuju Stas chacieŭ by zaśpiavać pa-biełarusku. Ale da hetaha treba pryjści. Ja budu hetaje pytańnie łabiravać», – zaznačyŭ Viačasłaŭ.
Ź jaho słoŭ, The Toobes padčas pracy nad svaim albomam Road To The Big Time pieražyŭ niaprostuju sytuacyju, źviazanuju z roznymi pohladami na raźvićcio hurtu. Nie abyjšłosia biez kanfliktaŭ, u vyniku čaho adbylisia źmieny ŭ składzie. Na dadzieny momant nieparazumieńniaŭ niby niama, i muzyki hatovyja dumać nakont dalejšych krokaŭ, piša Tuzin.fm.
U 2010-m, u čas uručeńnia ŭznaharodaŭ Experty.by lidar The Toobes Stas Łamakin admoviŭsia razumieć pa-biełarusku: «Mnie nieprijatno: vy hovoritie po-biełorusski, my po-russki. My na raznych jazykach hovorim. Mnie eto nieprijatno». Z taho času, bačym, adbyłasia evalucyja pohladaŭ.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki1
Kamientary