Śledčym kamitetam Biełarusi zavieršana rasśledavańnie kryminalnaj spravy ab kradziažy 120 ton suchoha małaka ajčynnaj vytvorčaści, nabytaha subjektami haspadarańnia Rasii.
Jak paviedamili ŭ centralnym aparacie SK, ustanoŭlena, što małako vykradałasia transnacyjanalnaj arhanizavanaj hrupaj na praciahu 2011—2012 hadoŭ. U jaje skład uvachodzili try hramadzianiny Biełarusi (1959, 1966 i 1980 hadoŭ naradžeńnia) i adzin hramadzianin RF (1972 hoda naradžeńnia).
Praviedzieny śledčymi analiz dazvoliŭ vyśvietlić usie tonkaści i niuansy, dziakujučy jakim była vykradziena takaja bujnaja partyja suchoha małaka.
Schiema kradziažu zaklučałasia ŭ tym, što arhanizatar złačynnaj hrupy šukaŭ u internecie infarmacyju, jakim rasijskim pradpryjemstvam patrebnyja hruzapieravozčyki dla dastaŭki nabytaha suchoha małaka biełaruskaj vytvorčaści na terytoryju RF. Paśla pradpryjemstvam prapanoŭvałasia hetaja pasłuha pa canie nižej za rynačnuju. Členy hrupy, jakija nie źbiralisia vykonvać svaje abaviazacielstvy, padrablali dakumienty, najmali nieabchodny transpartny srodak i, zabraŭšy hruz ad pastaŭščyka, vykradali suchoje małako dla dalejšaj realizacyi trecim asobam na terytoryi Rasii.
Rola kožnaha z členaŭ hrupy była vyrazna raźmierkavanaja. Imi prymalisia biesprecedentnyja miery biaśpieki — vykarystańnie vialikaj kolkaści mabilnych telefonaŭ z roznymi sim-kartami, adsutnaść vizualnaha kantaktu i inš.
Usiaho ŭstanoŭlena dziesiać epizodaŭ złačynnaj dziejnaści. Suma ŭronu skłała pryblizna 2 miljardy rubloŭ. Padčas śledstva z ulikam nakładzienaha aryštu na majomaść abvinavačvanych uron pakryty ŭ poŭnym abjomie.
Udzielnikam arhanizavanaj hrupy vystaŭlenyja abvinavačańni na padstavie č. 4 art. 209 KK (machlarstva, učynienaje ŭ asabliva bujnym pamiery). Jany znachodziacca pad vartaj.
-
Mužčyna kupiŭ pravy ŭ internecie i praz 10 hadoŭ pryjšoŭ mianiać ich u DAI
-
DAI skazała, što rabić z avaryjami, jakija ŭsio čaściej učyniajuć kiroŭcy starejšyja za 70 hadoŭ
-
U Minsku mužčyna padyšoŭ da aŭtamabila, kab padkazać, što ŭklučana dalokaje śviatło. Jamu zalili tvar piarcovym bałončykam VIDEA
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary