Ministerstva handlu vyjaviła i zabaraniła da raspaŭsiudu nienaležnuju vonkavuju rekłamu nibyta vystavy-kirmašu «Džynsavy fest».
«U Minsku na budynku DK MTZ pa vulicy Daŭhabrodskaja, 24 raźmiaščałasia vonkavaja rekłama «Vystava-kirmaš z 13 pa 18 studzienia. Džynsavy fest». Razam z tym, pa damovie, zaklučanaj arhanizataram hetaha mierapryjemstva (adnačasova źjaŭlajucca rekłamadaŭcam nienaležnaj rekłamy), u DK MTZ ažyćciaŭlaŭsia vyjazny handal», — adznačyli ŭ Minhandli.
Takim čynam, heta rekłama źjaŭlajecca niesumlennaj, bo parušaje patrabavańni p. 1 art. 26 Zakona Biełarusi ad 10 maja 2007 hoda «Ab rekłamie», zhodna ź jakim niesumlennaj źjaŭlajecca rekłama, jakaja ŭtrymlivaje chłuślivyja i inšyja niedakładnyja źviestki ab tavary (pradukcyi, pracy, pasłuhi), vidzie dziejnaści rekłamadaŭca, raspaŭsiud jakich moža pryvieści da parušeńnia abo parušaje pravy i achoŭvajemyja zakonam intaresy arhanizacyi abo hramadzianina, rastłumačyli ŭ viedamstvie. Akramia taho, hetaja vonkavaja rekłama nie była ŭzhodniena rekłamadaŭcam ź Minskim harvykankamam.
U vyniku rekłamadaŭcu vyniesiena pradpisańnie ab likvidacyi parušeńnia zakanadaŭstva ab rekłamie. Akramia taho, viadziecca praca pa pryciahnieńni jaho da administracyjnaj adkaznaści pa č. 1 art. 12.15 KoAP Biełarusi.
-
Štučny intelekt nie vaš supiernik, a vaš pamočnik. Daviarajcie inavacyjam, vam prosta daviadziecca ŭvieś čas padvučvacca
-
Narviehija stvaraje «Tinder dla navukoŭcaŭ i biznesu». Urad budzie apłačvać «pieršaje spatkańnie»
-
Amierykancy lubiać havaryć pra zaniapad Jeŭropy. Ale bolšaść jeŭrapiejcaŭ žyvie lepš za ich. Praŭda, jašče nie biełarusy
Kamientary