«Sieryjny abdymalnik» nie choča ad žančyn ničoha nieprystojnaha — prosta «abdymaški».
Kamiedyjny piśmieńnik Majk Fajn ź Ńju-Jorka kaža, što za žyćcio abniaŭ 10 tysiač žančyn, pa 7 žančyn na tydzień, raspaviadaje The New York Post.
Čatyry hady tamu Fajn razyšoŭsia ź niaviestaj. Z taho času ŭ jaho źjaviłasia niezvyčajnaje chobi: prosta abdymać žančyn.
Jon śćviardžaje, što nie maje namieraŭ ustupać u seksualnyja adnosiny z žančynami: «Ja addaŭ by pieravahu abdymkam 10 raz z 10 — heta bolš intymna. Nu i prynamsi ja viedaju, što abdymajusia ja dobra», — kaža Fajn.
«Seks heta jak abaviazak, rucina — jak pachod da stamatołaha», — tłumačyć svaju pazicyju «sieryjny abdymalnik». Pavodle słoŭ Fajna, kali jon padychodzić da dziaŭčat, jany dumajuć, što jamu patrebny seks.
Nasamreč Fajn prosta pravodzić ź dziaŭčatami kala hadziny. Asablivy pośpiech jaho chobi maje na viečarynach abdymak, dzie jon moža «pieraabdymać» dziasiatki partniorak za viečar. Spyniacca ŭ svajoj spravie jon nie źbirajecca i ličyć jaje svaim pryzvańniem.
Kamientary