Premiju Hiedrojca atrymaŭ Viktar Kaźko z knihaj «Čas źbirać kości»
Najlepšaja biełaruskamoŭnaja proza 2014 hoda lažała ŭ šufladcy pad 20 hod.
Uviečary 1 červienia ŭ Minsku nazvali pieramožcaŭ čaćviortaj litaraturnaj premii imia Ježy Hiedrojca. Na jaje pretendujuć aŭtary biełaruskamoŭnych knih u žanrach mastackaj prozy i eseistyki.
Hałoŭnuju premiju za najlepšuju biełaruskamoŭnuju prozu, a taksama pryz čytackaha hałasavańnia i ŭznaharodu ŭ pamiery 10 tysiač jeŭra atrymaŭ Viktar Kaźko z knihaj «Čas źbirać kości».
Kniha, jak kaža aŭtar, była napisanaja kala 20 hod tamu, ale, jak ni dziva, zastałasia aktualnaj siońnia. U jaje ŭvajšli apovieści «Čas źbirać kości», «Prachožy», «I nikoha, chto ŭbačyć moj strach». Padarožža aŭtara pa čałaviečaj pamiaci supravadžajecca fiłasofskimi, mistyčnymi, ale ŭsio ž aptymistyčnymi dumkami.
II miesca, a razam z tym pierakład knihi na polskuju movu abo tvorčuju stypiendyju ŭ Viśbiu, Šviecyja, uziała Taćciana Barysik za knihu «Žančyna i leapard».
Zbornik apaviadańniaŭ utrymlivaje nieprydumanyja historyi z paŭsiadzionnaha žyćcia biełaruskaj pravincyi našaha času.
III miesca, što daje ŭ jakaści ŭznaharody tvorčuju stypiendyju ŭ Vientśpiłsie, Łatvija, atrymaŭ Alhierd Bacharevič za knihu «Dzieci Alindarki».
Raman raspaviadaje pra dziaciej-pacyjentaŭ Łahiera – zahadkavaj ustanovy, u jakoj los viadzie ich na miažy kazki i antyŭtopii.
***
U skład žury ŭvajšli Uładzimir Arłoŭ, Ihar Babkoŭ, Małhažata Buchalik, Adam Hłobus, Hanna Kiślicyna, Andrej Fiedarenka, Cichan Čarniakievič i Hanna Jankuta.
Arhanizatary premii vyrašyli asobna hanaravać słovami padziaki i dypłomam najlepšaha infarmacyjnaha partniora biełaruskaja słužba «Radyjo Svabodnaja Jeŭropa – Radyjo Svaboda».
Papiarednimi łaŭreatami premii Hiedrojca byli Pavieł Kaściukievič («Zbornaja Respubliki Biełaruś pa niehałoŭnych vidach sportu», 2012), Uładzimir Niaklajeŭ («Aŭtamat z haziroŭkaj ź siropam i biez», 2013), Ihar Babkoŭ («Chvilinka. Try historyi», 2014).
Arhanizoŭvajuć konkurs Biełaruski PEN-centr, Sajuz biełaruskich piśmieńnikaŭ, Pasolstva Respubliki Polšča ŭ Biełarusi, Polski instytut u Minsku; fundatar uznaharody — «Ideja Bank».
Ambasadar Polščy ŭ Biełarusi Lešak Šarepka
Naciśnicie na knopku nižej, kab hladzieć anłajn-tranślacyju «Našaj Nivy».
Čytajcie taksama: Mova abaraniaje miežy efiektyŭniej, čym tanki — polski ambasadar ab premii Hiedrojca
Kamientary