Kampanija Global Blue ŭviała z 1 červienia kamisiju za viartańnie hrošaj pa čekach Tax Free. Ciapier kali suma dla vypłaty pieravyšaje 10 jeŭra, to za kožny ček biełarusam pryjdziecca zapłacić pa 1 jeŭra, havorycca na sajcie Technabanka.
Siońnia ŭ Biełarusi možna viarnuć hrošy pa čekach Tax Free ŭ troch adździaleńniach Technabanka. «Bank na hetym ničoha nie zarablaje. Uznaharodžańnie ŭviała kampanija Global Blue. Heta adzinaja palityka kampanii dla ŭsich krain, jakija pracujuć pa hetaj sistemie viartańnia čekaŭ», — zajavili ŭ Technabanku.
Kampanija Global Blue, ź jakoj pracuje kala 270 tysiač kram va ŭsim śviecie, ciapier spahaniaje kamisiju pry lubym sposabie viartańnia PDV. Da prykładu, zapłacić da 3 jeŭra z kožnaha čeka treba i ŭ tym vypadku, kali biełarusy zachočuć zabrać najaŭnyja hrošy ŭ aeraporcie krainy, dzie kupili tavary. Pamier kamisii zaležyć ad kankretnaha aeraporta. Apłata nie spahaniajecca tolki «ŭ vypadku atrymańnia kampiensacyi na kredytnuju kartu», havorycca na sajcie Global Blue. Kamisiju pryjdziecca vypłacić i pry viartańni padatkaŭ na mytni.
Minimalnaja suma pakupki, termin dziejańnia čeka i suma PDV źmianiajucca ŭ zaležnaści ad kankretnaj krainy. Naprykład, u Litvie treba kupić tavary jak minimum na 55 jeŭra, a termin dziejańnia čeka nie abmiežavany, u Polščy minimalny paroh dla afarmleńnia Tax Free — 200 złotych (kala 49 jeŭra), a termin dziejańnia praštampavanaha na mytni čeka — 7 miesiacaŭ.
Biaruć kamisiju i inšyja kampanii, jakija akazvajuć pasłuhi pa viartańni PDV z zamiežnych pakupak. Naprykład, kampanijam Tax Free Worldwide i Premier Tax Free za kožny vypłačany ček treba vypłacić ŭznaharodu ŭ 2 jeŭra. Paźbiehnuć kamisii možna ŭ tym vypadku, kali źviartacca za viartańniem PDV u kampaniju LITOFOLIJA, ale pracuje jana tolki z asobnymi litoŭskimi kramami.
Kamientary