Prezident Ukrainy Piotr Parašenka zajaŭlaje, što ŭ bližejšy čas pieradaść svoj pakiet akcyj karparacyi Roshen ŭ inviestycyjny bank «Rotšyld».
Pra heta jon paviedamiŭ na pres-kanfierencyi ŭ piatnicu.
«Kab spynić insinuacyi, ja ŭ bližejšy čas, u nas užo hatovaja i całkam ŭzhodnienaje pahadnieńnie ab pieradačy ŭ trast Rotšyldu — kampanii ź biezdakornaj reputacyjaj — svajho pakieta akcyj u Rašen. Mienavita dla taho, kab proźvišča Parašenka siarod uładalnikaŭ nie značyłasia», — zajaviŭ jon.
Parašenka taksama paviedamiŭ, što jość try pakupniki, jakija pravodziać pravierku «Rašena», a adnosna Lipieckaj fabryki adznačyŭ, što jana «aryštavanaja rasijskaj uładaj», i pakul nie maje pakupnikoŭ.
«Heta była maja inicyjatyva (pradać fabryku), i ja budu ŭsio rabić, kab heta zrabić, ale ja nie budu zamiest taho, kab vykonvać svaje prezidenckija abaviazki, biehać pa śviecie i šukać pakupnikoŭ», — zajaviŭ jon.
«Ja zaklučyŭ pahadnieńnie z suśvietnaviadomym inviestycyjnym bankam, jaki ciapier pravodzić rabotu pa pošuku pakupnikoŭ. Zaraz try pakupniki zajmajucca pravavoj i finansavaj pravierkaj Rašena», — skazaŭ jon.
Kamientary