Litoŭskaja śpiavačka Alina Arłova prezientuje ŭ Minsku novy albom «88» 27 vieraśnia. Kancert tradycyjna projdzie ŭ kłubie «RePablik», paviedamlajecca na staroncy Afisha Minsk u Facebook.
«88» — treci albom Aliny i jaje pieršaja studyjnaja praca za piać hadoŭ.
Aformlenuju ŭ vyhladzie kałaža vokładku płaścinki, jak i ŭvieś buklet da dyska, Alina aformiła svaimi rukami. Havoračy ab naźvie, jana zaznačyła, što «heta była pieršaja ličba, jakaja pryjšła ŭ hałavu — hod naradžeńnia. Hetyja ličby časta traplajucca na vočy. Mnie padabajucca hetyja dźvie vaśmiorki, dźvie biaskoncaści».
U albomie šmat u čym zvykłaje dla Aliny Arłovaj akustyčnaje hučańnie źmianiłasia pop-muzykaj ź niemałaj kolkaściu elektroniki i roznych kampjutarnych efiektaŭ. Usiaho ŭ płaścinku ŭvajšło dziesiać novych piesień, vykananych pa tradycyi na troch movach (anhlijskaj, litoŭskaj i ruskaj).
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej2
Kamientary