Vialikimi kantrastami charaktaryzavałasia nadvorje ŭ Biełarusi dniom 26 lipienia.
Kali ŭ Hrodnie słupok termomietra nie zmoh padniacca vyšej za adznaku plus 19,8 hradusa, to ŭ Brahinie (Homielskaja vobłaść) było zafiksavana 35,5 hradusa, što ŭsiaho na 0,1 hradusa mienš za absalutny rekord dnia, ustanoŭlenaha ŭ 1936 hodzie ŭ Vasilevičach (Homielskaja vobłaść).
U samim Brahinie dzionny maksimum pieravyšany na 3,5 hradusa (26 lipienia 1963 hoda tut było plus 32). Pabityja rekordy 52-hadovaj daŭniny ŭ dvuch abłasnych centrach. U Mahilovie pavietra prahrełasia da 33,9 hradusa (było 32), u Homieli — da 34,3 (32,6).
Jak śviedčyć karta resursu nadvorja meteoinfo.by, najbolšaja kolkaść apadkaŭ niadzielnym dniom vypała na paŭdniovym zachadzie i ŭ centry Mahiloŭskaj vobłaści:
u Babrujsku — 35 mm, abo 35 litraŭ vady na kvadratny mietr terytoryi (39,8% miesiačnaj normy, jakaja składaje 88 mm), Kličavie — 26 mm (30,6%), Mahilovie — 23 mm (26,7%).
Maksimalnaja tempieratura pavietra ŭ Minsku skłała plus 27 hradusaŭ (rekord dnia — 33,8 u 1936 hodzie), apadkaŭ vypała 4 mm (4,4% lipieńskaj normy).
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja8
Kamientary