Načalnik viciebskaj kalonii Vital Ahniścikaŭ nastojvaje, što budzie čakać Alaksandra Kazulina siońnia a 8 hadzinie viečara. Ale pavodle zakanadaŭstva, u termin vodpusku nia musić zaličvacca čas, jaki nieabchodny asudžanamu na darohu da miesca prybyćcia i nazad.
Načalnik viciebskaj kalonii Vital Ahniścikaŭ nastojvaje, što budzie čakać Alaksandra Kazulina siońnia a 8 hadzinie viečara.
Pra heta načalnik kalonii «Vićba‑3» paviedamiŭ pa telefonie byłomu advakatu A.Kazulina Iharu Rynkieviču.
Spadar Rynkievič aburany takoj zajavaj V.Ahniścikava. Jon skazaŭ:
«Kožnaja hadzina na svabodzie Alaksandra Kazulina pałochaje ŭładu».
Pavodle spadara Rynkieviča, rodnyja i paplečniki žadajuć sustrecca z A.Kazulinym, mnohija telefanujuć z rehijonaŭ. Spadar Rynkievič kaža, što A.Kazulin zakonapasłuchmiany i jon pryjedzie ŭ kaloniju. Adnak, pavodle Ihara Rynkieviča, treba adniać termin, jaki byŭ patračany na darohu z kalonii i nazad. Tamu A.Kazulin musiŭ by viarnucca kala 5 hadzinaŭ ranicy 29 lutaha.
«Ja liču, što heta čarhovaje parušeńnie pravoŭ A.Kazulina».
Nahadajem, palitviaźnia Alaksandra Kazulina ŭłady vypuścili z turmy na troje sutak vodpusku dla ŭdziełu ŭ pachavańni žonki Iryny Kazulinaj. Farmalna takoje rašeńnie pryniaŭ načalnik viciebskaj kalonii V.Ahniścikaŭ 25 lutaha kala 20 hadzinaŭ. Praź dźvie hadziny na svaim aŭtamabili Ahniścikaŭ vyviez A.Kazulina z kalonii, i kala hadziny nočy jany pryjechali da domu palitviaźnia ŭ Miensku. Pavodle kryminalna‑vykanaŭčaha zakanadaŭstva, u termin takoha karotkačasovaha vodpusku nie zaličvajecca čas, jaki nieabchodny asudžanamu na darohu da miesca prybyćcia i nazad.
U vypadku z A.Kazulinym termin jaho vodpusku zaviaršajecca kala hadziny nočy 29 lutaha. Zatym A.Kazulin musić vyjechać ź Miensku i viarnucca ŭ kaloniju biez usialakaha kanvoju.
Adnak administracyja kalonii nastojvaje, kab palitviazień prybyŭ u kaloniju da 20 hadzinaŭ 28 lutaha. Pry hetym administracyja zrabiła spasyłki na režym dnia ŭ kalonii. Adnak praviły ŭnutranaha rasparadku papraŭčych ustanovaŭ dajuć mahčymaść viartańnia asudžanych «u načny čas ci ŭrańni». Pavodle Ihara Rynkieviča, heta aznačaje, što A.Kazulin «maje prava viarnucca za kalučy drot kala 5 hadzinaŭ ranicy 29 lutaha».
Pavodle Ihara Rynkieviča, niepravavaja pazycyja ŭładaŭ adnosna praviadzieńnia vodpusku A.Kazulina pazbaŭlaje jaho nia mienš za 8 hadzinaŭ svabody.
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary