U Muziei sučasnaj biełaruskaj dziaržaŭnaści admianiajuć papiaredni zapis i pierastanuć źbirać asabovuju infarmacyju
Muziej sučasnaj biełaruskaj dziaržaŭnaści z 7 vieraśnia zaprašaje ŭsich žadajučych biez papiaredniaha zapisu.
Indyvidualnym naviedvalnikam bolš nie treba papiarednie zapisvacca i zahadzia pradastaŭlać infarmacyju ab sabie, jak heta patrabavałasia raniej.
Dastatkova pakazać dakumient, što zaśviedčvaje asobu, i kupić bilet na naviedvańnie ekspazicyi. Arhanizavanym hrupam (nie bolš jak 30 čałaviek) nieabchodna ŭnieści źviestki ab sabie ŭ tablicu, raźmieščanuju na sajcie muzieja, nie paźniej jak za dzień da naviedvańnia i pierasłać jaje na elektronny adras muzieja abo prynieści ŭ drukavanym vyhladzie.
U muziei kožnuju hadzinu prachodziać ekskursii, pieršaja ź ich pačynajecca ŭ 10.00.
Muziej sučasnaj biełaruskaj dziaržaŭnaści adkryty ŭ 2012 hodzie, u im pradstaŭleny aśpiekty historyi Biełarusi z 90-ch hadoŭ XX stahodździa i da našych dzion. U muziei ekspanujucca aryhinalnaja trybuna, za jakoj prynosicca prysiaha prezidenta, zorka «Hieroja Biełarusi», makiet biełaruskaha kaśmičnaha aparata, Hran-pry «Słavianskaha bazaru», załaty alimpijski miedal «Sočy-2014», padarunki kiraŭniku dziaržavy i inšyja ŭnikalnyja pradmiety.
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary