Samy nizki mužčyna ŭ śviecie, niepalec Čandra Bachadur Danh, pamior va ŭzroście 75 hadoŭ u balnicy Amierykanskaha Samoa. Pra heta ŭ čaćvier, 4 vieraśnia, paviedamlaje partał NYDailyNews.
U balnicu Danh trapiŭ na minułym tydni, zachvareŭšy na pnieŭmaniju.
Jaho rost zaniesieny ŭ Knihu rekordaŭ Hiniesa - 0,546 mietry. «MRH chacieli b vykazać svaje ščyryja i sardečnyja spačuvańni siamji mistera Danh u hety ciažki čas. Jaho buduć pamiatać jak znakavaha i ekstraardynarnaha rekardsmiena», - havorycca ŭ zajavie «Suśvietnych rekordaŭ Hiniesa».
Čandra Bachadur Danh atrymaŭ svoj tytuł u 2012 hodzie, kali da aficyjnych asob Hiniesa dajšli čutki pra mužčynu ź Niepała, jaki byŭ karaciejšym, čym dziejučy rekardsmien - filipiniec rostam u 23,5 cali.
Zachavalniki rekordaŭ adpravilisia ŭ Katmandu, kab paćvierdzić rost Danh. Tady jon staŭ samym nizkim mužčynam z usich, kaho kali-niebudź vymiarali.
«Padarožžy byli maraj ŭsiaho majho žyćcia, i vałodańnie tytułam rekardsmiena Hiniesa dazvoliła mnie jaje ažyćciavić. Ja nadzvyčaj hanarusia pradstaŭlać Niepał pa ŭsim śviecie. Padtrymka, jakuju ja atrymlivaju - heta vialiki honar dla mianie », - kazaŭ jon the Telegraph ŭ 2014 hodzie.
Nieŭzabavie paśla atrymańnia tytuła Danh sustreŭsia z samaj nizkaj žančynaj u śviecie - indyjankaj Džyjoci Amhie rostam u 0,61 mietra. U 2014 hodzie jon bačyŭsia z samym vysokim mužčynam u śviecie - Sułtanam Kiesienom z Turcyi, rost jakoha składaje 2,51 mietra.
Kamientary