Fransua Aland u Minsku, 11 lutaha 2015 hoda
Prezident Francyi Fransua Aland hatovy vystupić za admienu sankcyj Jeŭrasajuza suprać Rasiei ŭ vypadku paśpiachovaha ŭrehulavańnia situacyi na Ukrainie.
Jon prapanavaŭ pravieści pieramovy pra kryzis na ŭschodzie Ukrainy ź niamieckim, rasijskim i ŭkrainskim kalehami, pakolki, pavodle jaho, pahadnieńnie ab pieramirji, padpisanaje ŭ lutym, narešcie-to stała vykonvacca.
«Situacyja zrušyłasia ź miesca. U apošnija tydni vidać prahres. Pieramirje amal stała vykonvacca», — zajaviŭ Aland žurnalistam.
Ab spynieńni abstrełaŭ na minułym tydni zajaŭlali ŭ Kijevie. U subotu 5 vieraśnia spoŭniŭsia hod z taho dnia, jak u Minsku byŭ padpisany pieršy pratakoł ab pieramirji ŭ Danbasie.
«Kali praces paśpiachova zavieršycca, to ja asabista budu vystupać za admienu sankcyj», — dadaŭ prezident Francyi.
Jon skazaŭ žurnalistam, što pieramovy mohuć prajści ŭ Paryžy napiaredadni Hienasamblei AAN, jakaja adkryjecca 28 vieraśnia. Pry hetym pres-sakratar Pucina zajaviŭ, što dakładnaja data praviadzieńnia pieramoŭ pa Ukrainie lidarami krain «narmandskaj čaćviorki» pakul nie vyznačana.
Raniej stała viadoma, što ŭpieršyniu z 2005 hoda rasijskuju delehacyju na Hienieralnaj Asamblei AAN ŭznačalić rasijski prezident Uładzimir Pucin.
Kamientary