Kiraŭnik Adeskaj vobłaści Michieił Saakašvili pachvaliŭ rašeńnie Kabmina ŭraŭnavažyć košt rastamožki na ŭsich mytniach va Ukrainie.
Pra heta jon napisaŭ na svajoj staroncy ŭ Facebook.
«Paśla trochmiesiačnych sprečak, učora, praz dva dni paśla taho kali ja byŭ vymušany pra heta skazać, pavodle zajavy premjer-ministra urad narešcie abviaściŭ pra uraŭnoŭvańnie indykatyŭnych pakazčykaŭ na roznych mytniach. Heta dazvolić istotna abmiežavać karupcyjnyja patoki. Užo pieramoha!» — napisaŭ jon.
Na dumku Saakašvili, heta dakazvaje, što «publičnaja palityka heta nie pijar, jak chočuć heta pradstavić praciŭniki reformaŭ, a adziny mietad damahčysia va Ukrainie vyniku».
«Ciapier važna źmianić kadravy skład mytni i ŭ nas, jak minimum, źjaviacca hrošy na darohi», — ličyć hubiernatar.
Pavodle jaho, «pakolki premjer-ministr pryznaŭ isnujučyja schiemy, nieabchodna pakarać usich, chto kraŭ pa hetych schiemach ciaham ŭsich hetych miesiacaŭ».
Jak viadoma, u čaćvier Saakašvili publična abvinavaciŭ Jacaniuka u paturańni aliharcham, paśla čaho premjer nazvaŭ hetyja abvinavačvańni «iłžyvymi».
Saakašvili znoŭ adkazaŭ Jacaniuku, u pryvatnaści zajaviŭšy, što praz palityku Kabmina adeskaja mytnia hublaje 400 młn hryŭniaŭ štomiesiac.
Paśla hetaha Jacaniuk zajaviŭ ab uviadzieńni adzinaha standartu i cany na rastamožku pa ŭsioj krainie.
Kamientary