U čaćvier vyznačylisia jašče dva ŭdzielniki finalnaj stadyi čempijanatu Jeŭropy 2016 — Partuhalija i Paŭnočnaja Irłandyja.
Partuhalcy doma pierajhrali zbornuju Danii (1:0), a Paŭnočnaja Irłandyja pieramahła Hrecyju (3:1). Abiedźvie kamandy zajmajuć u svaich hrupach pieršyja miescy za tur da kanca adboračnaha turniru.
Paŭnočnaja Irłandyja — 20, Rumynija — 17, Vienhryja — 16, Finlandyja — 11, Farery — 6, Hrecyja — 3.
Partuhalija — 18, Danija — 12 (8 hulniaŭ), Ałbanija — 11, Sierbija — 7, Armienija — 2.
Raniej irłandcy (tak jany siabie nazyvajuć) nikoli nie hulali na Jeŭra, a apošni raz na čempijanacie śvietu tolki ŭ 1986 h. U adbory da ČS-2014 jany zaniali ŭ hrupavym raŭndzie pieradapošniaje miesca. Praŭda, u hrupavym adbory da Jeŭra-2012 jany byli trecimi.
Raniej stała viadoma, što, akramia haspadaroŭ francuzaŭ, na Jeŭra-2016 dakładna zhulajuć Anhlija, Aŭstryja, Isłandyja i Čechija.
Siońnia, u piatnicu, zbornaja Biełarusi zhulaje ŭ haściach sa Słavakijaj (21:45),
jakaja — Słavakija, a nie Biełaruś — taksama pretenduje na vychad na ČIE. Biełaruś užo daŭno ni na što nie pretenduje.
Paśla 8 turaŭ: Ispanija — 21, Słavakija — 19, Ukraina — 16, Biełaruś — 7, Luksiemburh — 4, Makiedonija — 3.
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary