Ustupiła u siłu časovaja zabarona na pastaŭki zbožža ŭ krainy Mytnaha sajuzu, jakuju Rasieja ŭviała, aścierahajučysia reekspartu va ŭmovach nizkich zapasaŭ zbožža ŭ krainie. Na hetaje rašeńnie pieršaj adreahavała Biełaruś.
Ministerstva zamiežnych spravaŭ Biełarusi rychtuje notu pratestu z hetaj nahody.
Zabarona na vyvaz pšanicy ŭ krainy Mytnaha sajuzu ŭvajšła u siłu z 19 sakavika i pavinna dziejničać da 1 traŭnia 2008 hoda. Adnak rasiejski Minsielhas užo paabiacaŭ padoŭžyć dziejańnie zabaronnych ekspartnych pošlin da 1 lipienia, tamu nie vyklučana, što na hety ž termin budzie padoŭžanaja i zabarona na luby ekspart zbožža ŭ krainy-sajuźnicy.
Jak rastłumačyli karespandentu «Niezavisimoj haziety» ŭ biełaruskim Minsielhaspramie, abjomy zakupaŭ pšanicy Biełaruśsiu nastolki małavažnyja, što «hetyja abjomy možna kupić biez admysłovych strat u luboj krainie, navat u Kanadzie». «Nas aburaje inšaje – parušajucca sajuznyja damoŭlenaści», – rastłumačyŭ «NH» biełaruski słužboviec.
Raniej takuju ž acenku dziejańniaŭ Rasiei vykazała namieśnica ministra sielskaj haspadarki Biełarusi Nadzieja Katkaviec. «Drenna, što Rasieja aficyjna zakryła ekspart zbožža ŭ Biełaruś – navat nie z punktu hledžańnia Mytnaha sajuzu, a z punktu hledžańnia sajuznaj dziaržavy», – zajaviła jana.
Kamientary