Kiraŭnik urada RF Dźmitryj Miadźviedzieŭ 29 studzienia navažany abmierkavać ź biełaruskim premjer-ministram Andrejem Kabiakovym pytańnie ab padtrymcy ajčynnych vytvorcaŭ sielhastechniki, paviedamlaje TASS.
Pra heta napiaredadni svajoj sustrečy ŭ Sankt-Pieciarburhu z kiraŭnikom urada Biełarusi rasijski premjer paviedamiŭ padčas naviedvańnia Pieciarburhskaha traktarnaha zavoda.
Adzin z rabočych paskardziŭsia Miadźviedzievu na toje, što ajčynnych vytvorcaŭ sielhastechniki sprabujuć paciaśnić zamiežnyja «adviortkavyja» vytvorčaści.
«Na vaša pytańnie adzin adkaz: kali vybirać pamiž paŭnavartasnaj vytvorčaściu — takoj, jak u vas, — i «adviortkaj», my, viadoma, vas padtrymajem», — zapeŭniŭ jaho Miadźviedzieŭ.
Surazmoŭca kiraŭnika ŭrada nie ŭdakładniŭ, mašynabudaŭnikoŭ jakoj krainy jon maje na ŭvazie, adnak Miadźviedzieŭ sam udakładniŭ, ci nie pra biełaruskich kalehaŭ idzie havorka. «Ź Biełaruśsiu ŭ nas svaja historyja, heta nie zusim starońniaja dziaržava, u nas ahulny rynak», — rastłumačyŭ premjer. Adnak «u hetym vypadku, vybirajučy pamiž padtrymkaj svaich vytvorcaŭ i inšych vytvorčaściaŭ, my adnaznačna zrobim vybar na vašu karyść», paŭtaryŭ jon.
«Zaŭtra (u piatnicu) ja budu sustrakacca ź biełaruskim premjeram, ja jamu heta prosta skažu», — paabiacaŭ Miadźviedzieŭ.
Nahadajem, siońnia, jak paviedamiła pres-słužba rasijskaha ŭrada, Miadźviedzieŭ i Kabiakoŭ na sustrečy ŭ Sankt-Pieciarburhu zakranuć aktualnyja pytańni rasijska-biełaruskaha handlova-ekanamičnaha supracoŭnictva, sumiesnaj pracy ŭ miežach Sajuznaj dziaržavy, a taksama ŭzajemadziejańnia ŭ Jeŭrazijskim ekanamičnym sajuz
Kamientary