Dahetul za niezakonnaje pierasiačeńnie miažy na mašynach pavyšanaj prachodnaści i navat samalotach karali tolki administracyjna.
apošnich piaci hadoŭ raście kolkaść niezakonnych pierasiačeńniaŭ dziaržaŭnaj hranicy na aŭtamabilach, u pryvatnaści na mašynach pavyšanaj prachodnaści
Pałata pradstaŭnikoŭ Nacyjanalnaha schodu Biełarusi 9 krasavika pryniała ŭ pieršym čytańni źmianieńni ŭ Kryminalny, Kryminalna‑pracesualny i Kryminalna‑vykanaŭčy kodeksy.
Pradstaŭlajučy zakonaprajekt, pieršy namieśnik staršyni Dziaržaŭnaha pahraničnaha kamitetu Biełarusi Vadzim Zajcaŭ rastłumačyŭ, što praduhledžvajecca ŭstanaŭleńnie kryminalnaj adkaznaści za naŭmysnaje niezakonnaje pierasiačeńnie dziaržaŭnaj hranicy z vykarystańniem mechaničnaha transpartnaha srodku, sudna, pavietranaha sudna.
Jon adznačyŭ, što na praciahu apošnich piaci hadoŭ raście kolkaść niezakonnych pierasiačeńniaŭ dziaržaŭnaj hranicy na aŭtamabilach, u pryvatnaści na mašynach pavyšanaj prachodnaści, jakija vykarystoŭvajucca ŭ asnoŭnym dla pieramiaščeńnia praz hranicu padakcyznych tavaraŭ.
Vadzim Zajcaŭ udakładniŭ, što ŭ dziejučym zakanadaŭstvie praduhledžvałasia kryminalnaja adkaznaść tolki dla asob, jakija naŭmysna niezakonna pierasiakli hranicu paŭtorna. Jon pryvioŭ prykład 2006 hodu, kali hramadzianin Litvy na lohkamatornym samalocie niezakonna pierasiok biełaruska‑litoŭskuju hranicu i byŭ pakarany za heta tolki ŭ administracyjnym paradku.
Akramia taho, źmianieńni i dapaŭnieńni ŭ Kryminalna‑pracesualny i Kryminalna‑vykanaŭčy kodeksy ŭstanoviać paradak pradaŭžeńnia i prypynieńnia preventyŭnaha nahladu ŭ adnosinach da asob, pryhavoranych da pakarańnia ŭ vyhladzie abmiežavańnia voli, aryštu abo nakiravanych u lačebna‑pracoŭnyja prafiłaktoryi.
Zakonaprajekt udakładniaje abaviazki asoby, jakaja znachodzicca pad preventyŭnym nahladam, a taksama paradak spynieńnia preventyŭnaha nahladu.
Kamientary