U najbližejšyja dni miedyki nie rajać mieteazaležnym ludziam adpraŭlacca ŭ dalokija pajezdki
Mieteazaležnym ludziam nie rekamiendujecca adpraŭlacca ŭ dalokija pajezdki ŭ bližejšyja dni z-za pierapadaŭ atmaśfiernaha cisku, paviedamiŭ namieśnik dyrektara pa lačebnaj pracy Respublikanskaha navukova-praktyčnaha centra «Kardyjałohija» Alaksandr Bułhak.
Pavodle infarmacyi Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody, u bližejšyja dni ŭ Biełarusi budzie pieravažać panižany ŭzrovień atmaśfiernaha cisku. «Siaredniehadavaja norma dla krainy — 741 mm. Zaraz — 739 mm. Na praciahu bližejšych pałovy sutak cisk budzie davoli intensiŭna padać, a potym padraście, adnak budzie zastavacca nižej za normu», — skazali ŭ centry.
Da źmien nadvorja bolš za ŭsio adčuvalnyja ludzi, jakija pakutujuć na roznyja chraničnyja zachvorvańni, u pryvatnaści sardečna-sasudzistyja. Pierapady atmaśfiernaha cisku mohuć paharšać ich stan, tamu takim pacyjentam u hetyja dni treba asabliva ŭvažliva pastavicca da svajho zdaroŭja.
Alaksandr Bułhak raić bieź nieabchodnaści nie padviarhać siabie praźmiernym nahruzkam, nie płanavać dalokich padarožžaŭ. «Kali majuć namier adpravicca ŭ darohu, pry sabie abaviazkova treba mieć lekavyja preparaty», - nahadvaje miedyk. Pry hetym nie varta prymać leki dla prafiłaktyki, rabić heta treba pa miery nieabchodnaści, a voś vymiarać arteryjalny cisk treba pa-za zaležnaściu ad svajho samaadčuvańnia. Pry ŭźniknieńni bolaŭ u vobłaści serca, hałaŭnoha bolu, prystupaŭ stenakardyi, ciažaru za hrudzinaj rekamiendujecca źviarnucca pa miedycynskuju dapamohu.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary