U Ałžyry parłamient pryniaŭ šerah zakonaŭ u ramkach reformy kanstytucyi krainy, jakija abmiažoŭvajuć znachodžańnie prezidenta na pasadzie kiraŭnika dziaržavy dvuma terminami, a taksama dajuć bierbieryjskaj movie status dziaržaŭnaj.
Pravaabaroncy ŭžo daŭno damahajucca aficyjnaha pryznańnia movy ałžyrskich bierbieraŭ, jakija składajuć u krainie mienšaść.
Arabskaja mova budzie pa-raniejšamu vykarystoŭvacca ŭ jakaści asnoŭnaj u dziejnaści dziaržaŭnych orhanaŭ.
Hetyja reformy byli ŭ liku abiacanych prezidentam Abdełazizam Buteflika ŭ 2011 hodzie, kali ŭ krainie adbylisia chvalavańni i hramadzianskija pratesty.
Prezident, jakomu 78 hadoŭ, byŭ pieraabrany na čaćviorty termin u 2014 hodzie. Jon redka źjaŭlajecca na ludziach i pieranios insult u minułym hodzie.
Kamientary