Supołka «Dysierniet» abvinavaciła v. a. rektara Maskoŭskaha dziaržaŭnaha linhvistyčnaha univiersiteta Ihara Manochina ŭ poŭnym śpisvańni kandydackaj dysiertacyi z adnoj krynicy.
Tekst Manochina paŭtaraje dysiertacyju 1999 hoda amal całkam, uklučajučy nazvy. Manochin abaraniŭ pracu «Uzbrojenyja farmavańni na terytoryi Sibiry ŭ pieryjad hramadzianskaj vajny i vajennaj interviencyi»; dysiertacyja 1999 hoda aŭtarstva Vitala Voranava nazyvałasia «Uzbrojenyja farmavańni na terytoryi Sibiry ŭ pieryjad hramadzianskaj vajny i vajennaj interviencyi ŭ 1917-1922 hh.».
Pa słovach adnaho sa stvaralnikaŭ «Dysiernieta» žurnalista Siarhieja Parchomienki, «dysiertacyja pieradranaja całkam, ad pieršaj da apošniaj litary, z adnoj krynicy».
«U sutnaści, heta značyć, što čałaviek prosta ŭziaŭ čužuju pracu, prylapiŭ da jaje tytulny list sa svaim imiem i zdaŭ, jak byccam svaju», — napisaŭ jon.
Parchomienka dadaŭ, što na niekatorych staronkach ekśpiertyza «Dysiernieta» nie vyjaviła płahijatu, adnak, pavodle jaho słoŭ, heta źviazana z pamyłkami pry abličboŭcy dakumienta.
Ihar Manochin uznačaliŭ MDŁU 2 lutaha 2016 hoda paśla taho, jak z raniejšym rektaram univiersiteta Irynaj Chalejevaj skončyŭsia kantrakt. Chalejeva kiravała VNU z 1986 hoda.
U prajekcie «Dysierniet» pracujuć navukoŭcy, žurnalisty i vałanciory. Supolnaść praviaraje navukovyja pracy viadomych ludziej, vyjaŭlajučy niadobrasumlenna padrychtavanyja dysiertacyi. Siarod samych prykmietnych prac «Dysiernieta» — ekśpiertyza dysiertacyj jurysta Paŭła Astachava, hubiernatara Pieciarburha Hieorhija Pałtaŭčanki, kiraŭnika Kiraŭskaj vobłaści Mikity Biełych.
Kamientary