Bolšaść balivijcaŭ, jakija pryniali ŭdzieł u refierendumie ab mahčymaści prezidenta Eva Maralesa bałatavacca na hetuju pasadu čaćviorty raz, vykazalisia suprać uniasieńnia adpaviednaj papraŭki ŭ kanstytucyju.
Pavodle aficyjnych vynikaŭ, abvieščanych vybarčaj kamisijaj, suprać takoha rašeńnia vykazalisia 51,5% vybarščykaŭ.
Eva Marales — pieršy indziejec, jaki staŭ prezidentam Balivii, a taksama były pradstaŭnik prafsajuza fiermieraŭ, što vyroščvajuć koku, — pryjšoŭ da ŭłady ŭ studzieni 2006 hoda.
Jaho ciapierašni prezidencki termin zakančvajecca ŭ 2020 hodzie. Jon pa-raniejšamu karystajecca vialikaj papularnaściu, častkova z-za taho, što za apošnija 10 hadoŭ ekanomika Balivii ŭpeŭniena rasła.
Marales zajaviŭ, što prymie vyniki refierendumu.
U vypadku stanoŭčaha vyniku Marales moh pieraabracca u 2019 hodzie i zastavacca prezidentam da 2025 hoda.
Naziralniki adznačyli tolki marudlivaść vybarkama u padliku hałasoŭ, ale jakich-niebudź vypadkaŭ falsifikacyj zaŭvažana nie było.
U Balivii prezident abirajecca na ŭsieahulnych vybarach na piacihadovy termin. Apošni raz prezidenckija vybary prajšli ŭ 2014 hodzie.
Kamientary