Paśla troch hadoŭ pierapynku adnaviła pracu polska‑biełaruskaja kansultacyjnaja kamisija pa spravach kulturnaj spadčyny.
Paśla troch hadoŭ pierapynku adnaviła pracu polska‑biełaruskaja kansultacyjnaja kamisija pa spravach kulturnaj spadčyny.
U apošni aŭtorak ŭ Poznani adbyłosia 15‑aje ŭžo pa liku pasiedžańnie hetaj kamisii. Na sustrečy prysutničali stats‑sakratar Ministerstva kultury j nacyjanalnaj spadčyny Polščy Tomaš Merta dy namieśnik ministra kultury Biełarusi Ŭładzimier Hrydziuška.
U pasiedžańni kamisii ŭdzielničaŭ taksama Michał Michalski, kiraŭnik Departamentu pa spravach polskaj kulturnaj spadčyny pa‑za miežami.
Biełarusy siarod inšaha paznajomili polskich kaleh z padrabiaznaj infarmacyjaj adnosna restaŭracyjnych rabot u Niaśviskim zamku. Siarod specyjalistaŭ byŭ navukovy kiraŭnik kanservatarskich pracaŭ u Niaśvižy Siarhiej Druščyc:
Kanstrukcyjny stan hetaj halerei byŭ avaryjny jak tolki my raspačali kanservatarskija pracy. Try hady my trymali mury na časovych kanstrukcyjach i vypracoŭvali varyjant, jak ich zachavać. Byŭ raspracavany prajekt. Jaho metaj było stvareńnie takoj niezaležnaj kanstukcyi, jakaja b trymała hetyja mury. Ale ž pad padmurkami znachodzicca dvuchmetrovy słoj torfu. Jon znachodziŭsia i pad uschodniaj halerejaj, i pad pałacam. Pad pałacam nam udałosia zamacavać mur. Adnak ža fundamenty pałacu znachodziacca na hłybini bolš za 6 metraŭ hłybiej, čym halerei. Mahčymaści zamacavać tyja mury, što zastalisia va ŭschodniaj halerei, nie było. Była stvoranaja specyjalnaja kamisija, niezaležnaja ekspertyza i, na žal, było pryniataje takoje ciažkaje dla nas, ale ž nieabchodnaje, rašeńnie. Zroblenaja padrabiaznaja inventaryzacyja, raspracavany prajekt adnaŭleńnia halerei ŭ stanie, jaki byŭ zafiksavany.
Anton Astapovič, staršynia Biełaruskaha dobraachvotnaha tavarystva achovy pomnikaŭ historyi j kultury ličyć padobnaje apraŭdańnie niaŭdałym:
Niahledziačy na avaryjny stan, na drennuju jakaść materyjałaŭ, isnuje ceły šerah raspracavanych metodyk, jakija ŭžyvajucca i ŭ Eŭropie, i pa ŭsim śviecie, jakija dazvolili b zachavać aŭtentyčnaść hetaha kryła.
Kamientary