U haradach Ukrainy adbyvajucca akcyi ŭ padtrymku Nadziei Saŭčanka
U centry Kijeva na Majdanie Niezaležnaści, u Charkavie i ŭ Adesie adbyvajucca akcyi ŭ padtrymku ŭkrainskaj lotčycy Nadziei Saŭčanka, jakuju sudziać u Rasii.
Udzielniki akcyj z płakatami ŭ padtrymku ŭkrainskaj palitviazień patrabujuć nieadkładnaha vyzvaleńnia Nadziei.
U Kijevie ŭ mierapryjemstvie ŭdzielničajuć bolš za tysiaču ŭdzielnikaŭ, ludziej stanovicca bolš. Na Majdanie prysutničaje siastra Nadziei Saŭčanka — Viera, a taksama palityki Julija Cimašenka i Aleh Laško, prysutničajuć narodnyja deputaty i pradstaŭniki MUS.
Akcyja ŭ padtrymku Nadziei Saŭčanka: Pasolstva RF u Kijevie zakidali jajkami
Nad uvachodam u pasolstva Rasii ŭ Kijevie vyviesili ŭkrainski ściah i maniekien Pucina
U Charkavie la pomnika Šaŭčenki taksama prachodzić akcyja ŭ padtrymku Saŭčanka: udzielničajuć niekalki sotniaŭ aktyvistaŭ. Paśla mitynh pieramiaściŭsia da rasijskaha konsulstva.
Akcyja ŭ padtrymku Nadziei Saŭčanka taksama prajšła ŭ Adesie.
9 sakavika ŭ padtrymku Saŭčanka płanujecca pravieści hłabalnuju akcyju #FreeSavchenko!.
U Prazie napiaredadni aktyvisty taksama pačali 5-dzionnyja akcyi ŭ padtrymku N.Saŭčanka, jakija prachodziać la prezidenckaha pałaca.
Nadzieja Saŭčanka abviaściła suchuju haładoŭku 3 sakavika, paśla taho, jak sud nie daŭ joj vystupić z apošnim słovam i pieranios pasiadžeńnie na 9 sakavika.
Pry hetym Saŭčanka zabaraniła karmić siabie siłaj, adnak, jak tłumačyli advakaty, pavodle rasijjskaha zakanadaŭstva joj nie mohuć dazvolić pamierci.
Advakat Saŭčanki Mikałaj Połazaŭ zaklikaŭ ambudsmena RF Ełu Pamfiłavu nieadkładna pačać manitorynh stanu zdaroŭja Saŭčanki.
Pa słovach Połazava, kali 9 sakavika ŭkrainku nia dastaviać u sud, nichto nie budzie viedać, žyvaja jana ci nie, i dzie znachodzicca, bo jaje mohuć etapavać u jakuju-niebudź kliniku dla štučnaha vyvadu z haładoŭki.
-
U Krymie miascovyja skardziacca nie tolki na deficyt paliva, ale i praduktaŭ
-
Pašynian prahałasavaŭ na parłamienckich vybarach u Armienii. Jon zajaviŭ, što nijakaj napružanaści z Rasijaj niama, a šlach da ES praciahniecca
-
Kiraŭnik MZS Ukrainy: Rasii ŭsio adno daviadziecca skončyć vajnu dypłamatyčnym šlacham, ale ŭmovy buduć horšyja
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej2
Kamientary