U chodzie rasśledavańnia amierykanskaj haziety New York Times, vyśvietliłasia, što džychadzisty z ekstremisckaj hrupoŭki «Isłamskaja dziaržava» dajuć žančynam, jakich utrymlivajuć u seksualnym rabstvie, supraćzačatkavyja srodki — kab ciažarnaść nie zaškodziła ich seksualnaj ekspłuatacyi.
Karespandenty haziety pahavaryli bolš jak z 35 žančynami, jakija naležać da jazidskaj etnakanfiesijnaj mienšaści ŭ Iraku, jakim udałosia vyrvacca z ruk džychadzistaŭ.
Pa słovach žančyn, bajeviki davali im preparaty, jakija prymajucca aralna, tak i injekcyjnyja kantraceptyvy.
Paviedamlajecca taksama prynamsi pra adzin vypadak, kali seksualnuju rabyniu prymusili zrabić abort.
Bajaviki «Isłamskaj dziaržavy» adkryta pryznajuć, što sistematyčna biaruć u rabstva i hvałciać jazidskich žančyn i dziaŭčat.
Kamientatary miarkujuć, što džychadzisty dapuskajuć ŭžyvańnie kantraceptyvaŭ, zychodziačy sa svajoj ułasnaj traktoŭki isłamu, u ramkach jakoj rabyniu možna hvałtavać, kali jana nie stanovicca ciažarnaj.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary