Dziaržsakratar ZŠA Džon Kiery nie staŭ raskryvać źmieściva čyrvonaj valizki, u jakoj jon pryvioz «pryjemny siurpryz» rasijskamu prezidentu Uładzimiru Pucinu.
Pra heta piša RBK.
«Heta sakret. Tolki prezident Pucin i ja viedajem, što tam znachodzicca», — skazaŭ Kiery na prośbu žurnalistaŭ raskazać, što lažyć u čamadanie.
Kiery pryjechaŭ u Maskvu ŭ sieradu, z samalota jon vyjšaŭ z čyrvonaj valizkaj. Na heta na pieramovach źviarnuŭ uvahu Pucin.
«Ja ŭbačyŭ vaš prylot i źniervavaŭsia. Z adnaho boku, heta vielmi demakratyčna. Ź inšaha boku, niaŭžo niama kamu čamadan vynieści dziaržsakrataru? Ja padumaŭ, što vy niešta kaštoŭnaje pryvieźli, nie mahli nikomu davieryć. Tam hrošy byli?» — spytaŭ Pucin, žartam vykazaŭšy zdahadku, što hrošy patrebnyja byli dla taho, kab» tarhavacca».
Dziaržsakratar ŭ adkaz na heta zajaviŭ: «Kali my zmožam pierahavaryć sam-nasam, ja pakažu, što tam. Vy budziecie ździŭleny. Heta budzie siurpryz dla vas, pryjemny siurpryz».
Uviečary ŭ čaćvier Kiery i Pucin praviali čatyrochhadzinnyja pieramovy.
U ich taksama brali udzieł Łaŭroŭ, pamočnik prezidenta Juryj Ušakoŭ i ambasadar ZŠA ŭ Maskvie Džon Teft. Jany abmierkavali situacyju ŭ Siryi i va Ukrainie, a taksama ŭźniali temu losu ŭkrainskaj lotčycy Nadziei Saŭčanka.
Kery na pres-kanfierencyi pa vynikach pieramovaŭ z rasijskim kiraŭnictvam u Maskvie zajaviŭ, što Saŭčanka pavinny dazvolić viarnucca va Ukrainu.
«Hetaje pytańnie humanitarnaha charaktaru, jano pavinna być vyrašana nieadkładna», — skazaŭ jon.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia4
Kamientary