«Arche» ładzić prezientacyju «Miemuaraŭ» Michała Kleafasa Ahinskaha ŭ Maładziečnie — 10 krasavika 

U niadzielu, 10 krasavika, u Maładziečnie adbudziecca prezientacyja «Miemuaraŭ za 1795-1810 hady» Michała Kleafasa Ahinskaha ŭ pierakładzie zaŭčasna pamierłaj pierakładčycy Volhi Ramanovič. Pra sami «Miemuary» i pra ich pierakład raskaža redaktar publikacyi, viadomy mienski historyk Aleś Paškievič.

Sustreča pačniecca ŭ niadzielu, 10 krasavika pa adrasie Maładziečna, vuł. Čystaja 26. Pačatak a 17 hadzinie. Daviedki pa teł. 29 5507969

Na sustrečy taksama možna budzie aznajomicca sa śviežymi numarami časopisa «ARCHE» i knižnymi vydańniami. U pryvatnaści, na sud čytačoŭ budzie vyniesieny niadaŭna apublikavany pierakład vostrasiužetnaha ramana Siarhieja Piasieckaha «Baham nočy roŭnyja».

Raman byŭ napisany i vydadzieny ŭ nastupny hod paśla vyzvaleńnia aŭtara z turmy (1938) i apaviadaje pra dziejnaść polskich špijonaŭ i tutejšych kantrabandystaŭ u 1923 hodzie na biełaruskim učastku tahačasnaj saviecka-polskaj miažy. Miensk ź jaho tapahrafičnymi damintantami (hubiernatarski sad, hatel «Paryž») i tahačasnymi pradmieściami (Sierabranka, Miadźviedžyna, Jarkava, Staroje Siało) vystupaje asnoŭnaj scenaj, dzie adbyvajecca dziejańnie.

Pieryfieryjnymi scenami, na jakich razhortvajecca dziejańnie ŭ ramanie, vystupajuć Babrujsk, Rakaŭ, Viaźma, Łahojsk i inšyja harady i miastečki.

«Baham nočy roŭnyja» — heta vydatny prykład vostrasiužetnaha špijonskaha ramanu ź jaho nieadjemnymi atrybutami — padstupnaściu, kachańniem i seksam (uklučna z takimi formami seksualnaj razradki, jak masturbacyja, zaafilija i leśbijskija łaski), indyvidualnym i kalektyŭnym užyvańniem narkotykaŭ (pieravažna kakainu), palboj z roznych vidaŭ zbroi i niečakanaj trahičnaj kancoŭkaj.

Havorka taksama pojdzie pra niadaŭna vydadzieny numar «ARCHE» «Srebny viek». Numar pryśviečany «zabytamu» XVII stahodździu ŭ biełaruskaj historyi. U numary miž inšym drukujecca artykuł adnaho ź viadučych śpiecyjalistaŭ pa historyi Vialikaha Kniastva Litoŭskaha ŭ XVII stahodździ Andžeja Rachuby «Uzbrojenyja siły Vialikaha Kniastva Litoŭskaha ŭ XVII stahodździ», razhladajecca struktura ŭzbrojenych siłaŭ VKŁ u hety pieryjad, usie rody vojsk i dapamožnyja vajennyja farmavańni, jakija isnavali na toj čas, a taksama armiejskaje kamandavańnie. U numary taksama drukujecca artykuł Andžeja Adama Majeŭskaha «Uziaćcie Pinska vojskam VKŁ u listapadzie 1648 h.», i inšyja cikavyja teksty.

• 0
• 0
• 0
• 0
• 0
• 0
• 0
• 0