«Kali biełaruskija ŭłady vykanajuć našy damoŭlenaści, vypuściać Kazulina i dvuch novych palitźniavolenych, a taksama palepšać situacyju z pravami čałavieka, naprykład dazvolać praviadzieńnie mirnych demanstracyj, my pačniem ź Biełaruśsiu dyjałoh ab admienie sankcyj», — zajaviŭ u intervju BiełaPAN pamočnik dziaržaŭnaha sakratara ZŠA pa pytańniach Jeŭropy i Jeŭrazii Devid Mierkieł.
Pavodle jaho słoŭ, u studzieni 2008 hoda bakami była dasiahnuta damoŭlenaść ab tym, što ŭmovaj dla nieŭstupleńnia ŭ siłu sankcyj u dačynieńni da kancerna «Biełnaftachim» i pačatku dyjałohu ab admienie sankcyj źjaŭlajecca vyzvaleńnie ŭsich palitźniavolenych i palapšeńnie situacyi z pravami čałavieka.
D. Mierkieł zaznačyŭ, što Minsk sprabuje pieravieści pytańnie ŭ inšuju płoskaść: u abmien na admienu ZŠA sankcyj amierykanskaj dypmisii dazvolać praciahvać pracavać u Biełarusi. «Ale heta dva roznyja pytańni: sankcyi ciesna źviazany z pravami čałavieka i vyzvaleńniem palityčnych źniavolenych», — zajaviŭ pamočnik dziaržaŭnaha sakratara ZŠA.
D. Mierkieł paćvierdziŭ, što amierykanski bok «zacikaŭleny ŭ vyrašeńni kanfliktu». «Biełaruskija ŭłady viedajuć, što jany pahadzilisia zrabić i što im varta zrabić, kab hety kanflikt vyrašyć. Hetaja damoŭlenaść — asnova našych trochbakovych kansultacyj pamiž ES, ZŠA i Biełaruśsiu», — zajaviŭ pradstaŭnik Dziarždepa ZŠA.
U dačynieńni da pracy pasolstva ZŠA ŭ Minsku i dyppradstaŭnictva Biełarusi ŭ ZŠA D.Mierkieł ukazaŭ, što siońnia «razhladajucca ŭsie mahčymyja varyjanty dalejšych dziejańniaŭ».
Abvastreńnie biełaruska-amierykanskich adnosinaŭ pačałosia ŭ sakaviku paśla apublikavańnia na aficyjnym sajcie Minfina ZŠA tłumačeńniaŭ da sankcyj, uviedzienych u listapadzie 2007 hoda ŭ dačynieńni da kancerna «Biełnaftachim». 7 sakavika z Vašynhtona dla kansultacyj byŭ adklikany pasoł Biełarusi ŭ ZŠA Michaił Chvastoŭ. 12 sakavika pa patrabavańni biełaruskaha boku Minsk pakinuła pasoł ZŠA Karen Ściuart. Zatym amierykanskamu boku było rekamiendavana skaracić kolkaść supracoŭnikaŭ dypmisii. 27 sakavika Minsk pakinuli 17 amierykanskich dypłamataŭ, pracavać praciahvali 15 supracoŭnikaŭ. Jašče 11 amierykanskich dypłamataŭ pakinuli Minsk pa patrabavańni biełaruskaha boku 3 maja.
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary