Abmierkavańnie spraščeńnia vizavaha režymu pamiž Biełaruśsiu i ES praciahvajecca, paviedamiła žurnalistam 27 lipienia ŭ Minsku kiraŭnik pradstaŭnictva Jeŭrapiejskaha sajuza pasoł Andrea Viktaryn.
«Jašče jość pytańni, jakija nieabchodna vyrašyć», — skazała jana.
Nahadajem, Biełaruś i Jeŭrasajuz pracujuć nad pahadnieńniem ab palahčeńni vizavaha režymu ŭžo niekalki hadoŭ. Čakałasia, što pahadnieńnie budzie parafiravanaje na samicie Uschodniaha partniorstva ŭ Ryzie ŭ mai 2015 hoda. Adnak paśla hetaha samitu kiraŭnik MZS Biełarusi Uładzimir Makiej zajaviŭ žurnalistam, što pahadnieńni ab spraščeńni vizavaha režymu i ab readmisii nie byli parafiravanyja ŭ ramkach forumu nie pa vinie Biełarusi.
«My pracavali ź Jeŭrasajuzam nad pytańniem zaklučeńnia pahadnieńniaŭ, — skazaŭ jon. — Heta była inicyjatyva našaha prezidenta. Było praviedziena niekalki kansultacyj. My dastatkova paśpiachova prasunulisia pa pytańniach zaklučeńnia hetych pahadnieńniaŭ. I mahu skazać, što faktyčna my znachodzimsia blizka da finalnaj stadyi».
Pavodle słoŭ Makieja, biełaruski bok pa prośbie jeŭrapiejskich partnioraŭ navat pačaŭ praceduru ŭnutranaha ŭzhadnieńnia hetych dakumientaŭ dla taho, kab uzvažyć, nakolki jany adpaviadajuć nacyjanalnym intaresam. «Ale na niejkim etapie našy partniory znajšli niejkija techničnyja začepki, jakija nie dazvolili nam vyjści na parafiravańnie hetych pahadnieńniaŭ na hetym samicie, — adznačyŭ ministr. — Tamu my praciahvajem pracu nad imi, damovilisia, što ekśpierty buduć sustrakacca. Paviercie, heta absalutna nie pa našaj vinie».
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary