Klintan i Trampa puścili da vajennych sakretaŭ ZŠA. Abodva kandydaty bjuć tryvohu
Kandydaty na pasadu prezidenta ZŠA ad Demakratyčnaj i Respublikanskaj partyi Chiłary Klintan i Donald Tramp mohuć atrymać sakretnyja zvodki pra stan nacyjanalnaj biaśpieki, piša latimes.com
«My zrobim bryfinhi dla abodvuch kandydataŭ, kali jany hetaha chočuć», — paviedamiŭ dyrektar Nacyjanalnaj raźviedki ZŠA Džejms Kłepier u čaćvier.
Kandydaty ŭ prezidenty ciapier majuć dostup da sakretnaj infarmacyi, bo atrymali naminacyi ad hałoŭnych partyj krainy.
Adnak pradstaŭniki demakrataŭ i respublikancaŭ rabili ŭ hetym hodzie zajavy, zhodna ź jakimi kandydat ad kankurentaŭ niedastatkova nadziejny čałaviek, kab daviarać jamu/ioj sakrety nacyjanalnaj biaśpieki.
Hetak respublikancy źviartali ŭvahu, što Klintan parušała praviły biaśpieki ŭ pieryjad słužby na pasadzie dziaržaŭnaha sakratara ZŠA. Rasśledvańnie FBR sapraŭdy pakazała, što Klintan «vielmi biezadkazna» trymała sakretnuju infarmacyju na svajom pryvatnym sierviery.
«Čamu Chiłary Klintan atrymlivaje bryfinh pa nacyjanalnaj biaśpiecy?.. Ja dumaju, heta niebiaśpiečna ŭ śviatle taho, što adbyłosia», - zajaviŭ Tramp padčas pres-kanfierencyi ŭ Fłarydzie
U toj ža čas demakraty zaklikali nie daviarać sakrety Donaldu Trampu, paprakajučy jaho za ryzykoŭnyja vykazvańni ŭ śfiery źniešniaj palityki i abarony.
«Kali vam prydziecca bryfinhavać jaho, ničoha nie kažycie jamu. Padmanicie, tamu što hety čałaviek niebiaśpiečny», - skazaŭ lidar frakcyi demakrataŭ u Sienacie ZŠA Hary Rejd.
Adnak pradstaŭniki raźviedki ZŠA zapeŭnivajuć, što kandydaty ŭ prezidenty nikoli nie atrymlivajuć zvyšsakretnaj infarmacyi. U asnoŭnym im pradastaŭlajuć analityčnyja dadzienyja pra padziei ŭ śviecie i lidaraŭ inšych krain.
«Heta častka našaha žyćcia ŭ ZŠA, i, budziem spadziavacca, usio ŭrešcie skončycca dobra», - zaklučyŭ dyrektar Nacyjanalnaj raźviedki ZŠA.
Kamientary