Amierykanskija i bałharskija tankisty treniravalisia ŭ stralbie pa mišeniach u formie rasijskich tankaŭ
Śpiecyjalnyja ruchomyja mišeni z kardonu, vielmi blizkija pa pamierach i formie da rasijskich tankaŭ T-90, vykarystoŭvalisia padčas sumiesnych vučeńniaŭ amierykanskich i bałharskich vojskaŭ.
Pra heta śviedčyć videa, jakoje patrapiła ŭ internet kala tydnia nazad.
«Žaŭniery 3 bataljona 69 braniatankavaha pałka razam z bałharskimi chaŭruśnikami viali ahoń z tankavych pušak, indyvidualnaj i kalektyŭnaj strałkovaj zbroi ŭ Bałharyi na palihonie Novo Sieło 25 červienia», — havorycca ŭ artykule na sajcie defence-blog.com.
3 bataljon 69 braniatankavaha pałka ZŠA ŭdzielničaŭ u pieršaj vajnie ź Irakam za vyzvaleńnie Kuviejta, u apieracyi ŭ Kosava, ale staŭ viadomym, kali ŭ 2003 hodzie zachapiŭ aeraport Bahdada. U časy Chałodnaj vajny padraździaleńnie ŭ asnoŭnym baziravałasia ŭ Hiermanii na vypadak napadu z boku SSSR.
Razam z amierykanskimi tankami M1A2 Abrams u stralbie pa «rasijskich tankach» udzielničali bałharskija T-72.
«Naša zdolnaść na samalotach dastavić tanki z Hiermanii siudy za try dni ŭ bajavoj hatoŭnaści pakazvaje jednaść i zdolnaści ŭsich chaŭruśnikaŭ NATA», — adznačyŭ kamandzir amierykanskaha tankavaha źviazu pieršy lejtenant Frenk Vud.
Ahresija Maskvy suprać Ukrainy ŭ 2014 hodzie prymusiła NATA pierahledzieć svaje abaronnyja pryjarytety i źviarnuć uvahu na pahrozu z Kramla. U 2016 hodzie prajšli samyja maštabnyja z časoŭ Chałodnaj vajny vučeńni pa abaronie ad napadu z Uschodu - «Anakonda-16».
Ciapier čytajuć
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1616
Kamientary