Pahadnieńnie ab uklučeńni aŭtaadkaźnikaŭ (transpondaraŭ) pry palotach vajennych samalotaŭ nad Bałtyjskim moram prablem ź biaśpiekaj nie vyrašyć.
Pra heta zajaviŭ ministr zamiežnych spraŭ Litvy Linas Linkiavičus, pieradaje Delfi.lt.
Pavodle jaho słoŭ, rasijskija źniščalniki ŭsio roŭna buduć praciahvać niebiaśpiečnyja manieŭry ŭ rehijonie.
Jak adznačyŭ ministr, Litva razam z sajuźnikami razhledzić i abmiarkuje prapanovu Rasii, adnak, jak i inšyja abiacańni i zakliki Maskvy, jaje treba aceńvać nie pa słovach, a kankretnymi krokami Rasii.
«Rasija apošnim časam praktyčna nijak nie spryjała ŭmacavańniu vajennaha davieru», — adznačyŭ litoŭski ministr.
«Rasija admoviłasia ŭvieści žyvuju suviaź (haračuju liniju) pamiž pamiežnymi pastami dla tłumačeńnia nieaŭtaryzavanych palotaŭ samalotaŭ. Ja prapanoŭvaŭ heta zrabić jašče ŭ 2002 hodzie svajmu tahačasnamu kalehu Siarhieju Ivanovu», — uspaminaje kiraŭnik źniešniepalityčnaha viedamstva Litvy.
«Niahledziačy na toje, što Rasija žadaje abmierkavać vyklikanyja vajennaj dziejnaściu ryzyki, varta adznačyć, što mienavita dziejańni Rasii hetuju ryzyku i stvarajuć, mienavita jana sama rehularna niebiaśpiečna manieŭruje svaimi źniščalnikami pablizu vajennych karabloŭ NATA ŭ Bałtyjskim mory, navat stvaraje pahrozu palotam hramadzianskaj avijacyi», — padkreśliŭ jon.
«Tak, adnymi ŭklučanymi transpondarami pytańnie biaśpieki nie vyrašyć, kali rasijskija piłoty i ŭ dalejšym nie buduć prytrymlivacca rekamiendacyj biaśpiečnaj avijacyi, pavodzić siabie biezadkazna i pravakacyjna», — padkreśliŭ Linkiavičus.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy3
Kamientary