Na Alimpijskich hulniach u Rya ŭ paraŭnańni z učorašnim dniom, kali było razyhrana 27 kamplektaŭ miedaloŭ, siońnia adnosnaje zacišša — svaich uładalnikaŭ zdabuduć «usiaho» 16 kamplektaŭ uznaharod.
Biełaruska Alina Tałaj maje niadrennyja šancy pazmahacca za ŭznaharody ŭ svaim karonnym žanry — stomietroŭcy z barjerami. Paŭfinał projdzie ŭ noč na čaćvier (02:45), finał u 04:45.
U kvalifikacyjnym raŭndzie spabornictvaŭ kidalnikaŭ mołata vystupiać adrazu try biełaruskija atlety na čale z bronzavym pryzioram piekinskich Hulniaŭ-2008 Ivanam Cichanam. Razam ź im u lik 12 finalistaŭ majuć namier prabicca Pavieł Barejša i Siarhiej Kałamijec.
Čempijonka śvietu Maryna Arzamasava i Julija Karol vyjduć na start papiarednich zabiehaŭ na dystancyi 800 m.
Na viaślarnym kanale «Łahuna» biełaruska Maryna Litvinčuk paŭdzielničaje ŭ kvalifikacyjnych zajezdach bajdarak-adzinočak.
Biez udziełu biełarusaŭ projduć miedalnyja spabornictvy pa badmintonie, boksie, volnaj baraćbie, konnym sporcie, nastolnym tenisie i taekvando.
Kamientary