«Pa Krai»: 16 chvilin biełaruskaj rečaisnaści. MULTYMIEDYJA Siarhieja Hudzilina
Fatohraf «NN» prezientuje videapracu prajekta «Pa Krai», jaki niekalki hod tamu publikavaŭsia na staronkach haziety ŭ vyhladzie repartažaŭ z pamiežnych biełaruskich miastečak.
Fatohraf abjeździŭ usie hieahrafična skrajnija kropki Biełarusi, kab zafiksavać štodzionnaje žyćcio biełarusaŭ. Čatyry častki vialikaha prajekta publikavalisia i ŭ «NN»: Poŭnač — Aśvieja, Poŭdzień — Kamaryn, Zachad — Vysokaje, Uschod — Chocimsk. Ciapier ža Hudzilin pakazvaje adzin 16-chvilinny film u sukupnaści hetych historyj. Ale robić heta vielmi niezvyčajna.
Rekamiendacyi pa prahladzie: kali łaska, vykarystoŭvajcie poŭnaekranny režym i źniešnija dynamiki ci navušniki (u videa vykarystoŭvajecca vysokija i nizkija častoty)
Ad aŭtara: Hetaje videa — častka vystavačnaha prajekta Kandensat, jaki zusim niadaŭna zaviaršyŭsia ŭ prastory CECH. Ale vielmi važna dadać adnu reč, jakoj nie było ŭ anatacyjach da vystavy. Svaje fota- i videazdymki ja pierabivaju zapisami ź biełaruskaha telebačańnia. Mienavita tymi navinami, jakija išli ŭ toj samy čas, kali ja zdymaŭ. Momanty ŭ videa sinchranizavanyja ledź nie siekunda ŭ siekundu, ci z roźnicaj u niekalki hadzin. Heta tvorčaje pieraasensavańnie efiru našaj krainy, jaki stylizavany pad archiŭny zapis na videakasiecie. Ci tych žadańniaŭ, jak u aniekdocie, «žyć u toj krainie, jakuju pakazvajuć pa telebačańni». Heta maja viersija toj Biełarusi, jakuju ja baču, daśleduju i fiksuju. I pamiatajcie, u vas zaŭsiody jość mahčymaść pieraklučyć kanał ci vyklučyć.
Kamientary