«Mova — Muzyka — Futboł»: Fiederacyja futboła i «Art-siadziba» abviaščajuć konkurs biełaruskaj pieśni

Lubiš futboł, padtrymlivaješ zbornuju, žadaješ novych pieramoh biełakryłym? Lubiš muzyku, hraješ na hitary, pišaš pieśni, śpiavaješ ci navat maješ ułasny hurt? Lubiš movu i chočaš, kab jana hučała čaściej i hučniej, a pieśniu pa-biełarusku zaśpiavaŭ uvieś stadyjon? Tady prajekt «Mova — Muzyka — Futboł» dla ciabie.

Pavialičyć

My nie abmiažoŭvajem udzielnikaŭ konkursu ŭ muzyčnych stylach i famatach. Poŭnaja svaboda tvorčaści i prajava muzyčna-paetyčnych talentaŭ. Usio, što abjadnoŭvaje biełaruskuju movu, biełaruski futboł i biełaruskuju muzyku: spačatku źbirajem, zatym słuchajem i śpiavajem razam!

Prajekt doŭžycca da viasny 2017 hoda i składziecca z šaści etapaŭ.

Pieršy i asnoŭny etap — heta muzyčny konkurs, na jaki da 1 śniežnia prymajucca pieśni na biełaruskaj movie adpaviedna temam:

— futboł i zaŭziatarstva ŭ samym šyrokim sensie, aktyŭnaja padtrymka biełaruskaj zbornaj, kłubnych kamandaŭ i naviedvańnie fubolnych matčaŭ,

— patryjatyzm i luboŭ da Biełarusi, honar za jaje spartyŭnyja dasiahnieńni,

— spałučeńnie biełaruskaj movy i sportu…

Nastupnyja etapy:

— zapis piesień-finalistaŭ na prafiesijnaj studyi;

— vyznačeńnie pieramožcaŭ admysłovym składam žury, słuchačami ŭ sacyjalnych sietkach i na sajtach infarmacyjnych partnioraŭ, na adboračnych kancertach u kafe «Hraj»;

— padrychtoŭka i vydańnie dyska-składanki, zdymki klipa;

— muzyčny fiestyval z udziełam pieramožcaŭ i finalistaŭ konkursu, prezientacyjaj piesień i dyska, uznaharodžvańniem pieramožcaŭ;

— raspaŭsiud piesień u internecie, na radyjo, u miežach spartovych i kulturnych mierapryjemstvaŭ Biełaruskaj fiederacyi futboła i kulturnaj placoŭki «Art-siadziba».

Biełaruskamoŭnyja pieśni na konkurs z paznakaju «Mova — Muzyka — Futboł» prymajucca ŭ farmatach aŭdyjo i videa da 1 śniežnia na e-mail: [email protected] u troch varyjantach:

— hatovyja studyjnyja zapisy (jakasna zapisanyja pieśni, što nie patrabujuć pierazapisu i dadatkovaj pracy, jakija raniej publikavalisia ci nie);

— dema-zapisy (častkova hatovyja zapisy, jakija patrabujuć dadatkovaj studyjnaj pracy);

— čarnaviki (pieśni zapisanyja ŭ chatnich umovach ci na repietycyi, kancertnyja zapisy, videazapisy z vykanańniem pieśni).

Abaviazkova paznačajcie ŭ zajaŭcy razam z tvoram:

— nazvu vykanaŭcy ci hurtu i karotkuju infarmacyju pra ich,

— nazvu tvora,

— imia aŭtara i kampazitara,

— spasyłki na staronki ŭ sacyjalnych sietkach,

— kantaktnyja dadzienyja (telefon, e-mail).

Paśla pryjomu piesień adbudziecca hałasavańnie, adbor finalistaŭ i vyznačeńnie pieramožcaŭ z vybyvańniem u niekalki etapaŭ: čverćfinały, paŭfinały i finał. Bały buduć vyličvacca z ulikam mierkavańnia žury, vynikaŭ hałasavańnia ŭ sacyjalnych sietkach, na admysłovych kancertach u kaviarni «Hraj» i na sajtach ABFF, «Art-siadziby» dy infarmacyjnych partnioraŭ.

Žury konkursu budzie abvieščana ŭ najbližejšy čas.

Pa vynikach buduć vyznačanyja try pieramožcy:

1 miesca — zdymki klipa, studyjny zapis pieśni, vystupleńnie na finalnym kancercie prajektu i na «Barysaŭ-Arenie» ŭ ramkach adnaho z matčaŭ nacyjanalnaj zbornaj Biełarusi, ratacyja pieśni na radyjo, futbolny miač z aŭtohrafami zbornaj,

2 miesca — studyjny zapis, vystupleńnie na finalnym kancercie prajektu i na «Barysaŭ-Arenie» ŭ ramkach adnaho z matčaŭ nacyjanalnaj zbornaj Biełarusi, ratacyja pieśni na radyjo,

3 miesca — studyjny zapis, prafiesijny vakalny mikrafon, vystupleńnie na finalnym kancercie prajektu.

Taksama buduć vyznačanyja pieramožcy ŭ dadatkovych naminacyjach: «Hladackija simpatyi», «Lidary sacyjalnych sietak», «Vybar hienieralnaha sponsara», «Pieśnia stadyjona», «Vybar biełakryłych».

Hetyja pieramožcy atrymajuć padarunki ad arhanizataraŭ i partnioraŭ konkursu: abaniemienty na chatnija hulni nacyjanalnaj futbolnaj zbornaj, atrybutyku zbornaj (majki, repliki, šaliki), suvieniry i inšyja pamiatnyja padarunki.

Usie ŭdzielniki konkursu atrymajuć zaprašalniki na finalny fiestyval i muzyčny dysk «Mova — Muzyka — Futboł» ad kampanii «Płanieta Vihma» z tvorami ŭdzielnikaŭ konkursu, a taksama pieśniami, napisanymi raniej u Biełarusi, pra futboł i dla futboła.

Padziei ŭ sacyjalnych sietkach: «Ukantakcie», Facebook

• 0
• 0
• 0
• 0
• 0
• 0
• 0
• 0