Śviatłana Aleksijevič achviaruje 5 tysiač dalaraŭ na muziej Alesia Adamoviča
Nobieleŭskaja łaŭreat Śviatłana Aleksijevič hatovaja achviaravać na stvareńnie muzieja Alesia Adamoviča ŭ Hłušy 5 tysiač dalaraŭ. Pra heta było zajaŭlena ŭ subotu ŭ Mahilovie padčas abmierkavańnia mahčymaściaŭ aktyvizacyi zboru srodkaŭ na muziej.
U abmierkavańni brali ŭdzieł pradstaŭniki hramadkaści, ułady, a taksama deputaty Pałaty pradstaŭnikoŭ.
Śviatłana Aleksijevič u telefonnaj hutarcy z žurnalistam Svabody paćvierdziła svoj namier achviaravać 5 tysiač dalaraŭ na ramont budynka, u jakim źbirajucca raźmiaścić muzej. Hetuju sumu nobieleŭskaja łaŭreat hatovaja pieraličcyć na dabračynny rachunak da 23 listapada. Piśmieńnica ŭdakładniła, što zrobić heta publična praź Biełaruskuju słužbu Radyjo Svaboda.
«Aleś Adamovič — biełaruski Vacłaŭ Haveł. Jahonaje imia vartaje ŭviekaviečvańnia. Ideju stvareńnia muzeju ja padtrymlivaju i budu ŭ hetaj spravie ŭdzielničać», — zaznačyła Śviatłana Aleksijevič.
«Kali toj, chto maje hrošy bolš čym inšyja, moh niešta zrabić dziela pamiaci vialikaha piśmieńnika, my b žyli inakš. My ž čakajem niejkich dziejańniaŭ ad ułady, a dzie my sami?», — daviała svaju dumku ŭdzielnikam «kruhłaha stała» nobieleŭskaja łaŭreat.
Kab pačać pracu nad prajektna-kaštarysnaj dakumientacyjaj budučaha muzieja, nieabchodna 12 tysiač novych rubloŭ. Na dabračynnym rachunku, jaki adkryli dzieviać miesiacaŭ tamu, było 900 rubloŭ.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary