Finalist adboru Jeŭrabačańnia: «Śpiavać pa-biełarusku — nie vyjście. Heta ŭžo amal miortvaja mova»
Siarod finalistaŭ biełaruskaha adboru na Jeŭrabačańnie—2017 — Lermont (Vasil Sieliščaŭ) i Julic (Anton Rubacki).
U intervju «Sputniku» jany patłumačyli, čamu biełaruski šou-biznes nie samadastatkovy.
«Prablema našaha šou-biznesu - z-za adsutnaści łakalnaha moŭnaha pola. Jość litoŭskija vykanaŭcy, jakija źbirajuć u siabie ŭ krainie cełyja stadyjony. Takoje ž jość u mnohich krainach, dzie vykarystoŭvajuć tolki svaju movu», — kaža Julic.
A voś Lermont upeŭnieny, što śpievam pa-biełarusku pierałamać hetuju situacyju nielha:
«Śpiavać pa-biełarusku — nie vyjście. Na žal, heta ŭžo amal miortvaja mova, choć jaje i padtrymlivajuć štučna. Amal usie havorać pa-rusku, navat my ciapier. I situacyja z movaj — naturalny praces. Tak, u historyi było toje, kali ludziej prymušali na niejkaj movie havaryć, na niejkaj — nie. Ciapier takoha niama, i ni ŭ kaho niama mety nazad ŭsim «pryščapić» biełaruskuju movu».
Adznačym, što na Jutubie siarod 13 finalistaŭ adboru na Jeŭrabačańnie Lermont i Julic majuć najhoršuju acenku hledačoŭ (na momant publikacyi materyjału praporcyja składała 29 łajkaŭ na 78 dyzłajkaŭ).
Kamientary