Łukašenka zabaraniŭ zvalniać rabotnikaŭ biez uzhadnieńnia ź miascovymi orhanami ŭłady
Alaksandr Łukašenka zabaraniŭ pravodzić skaračeńni na pradpryjemstvach i ŭ arhanizacyjach i zvalniać rabotnikaŭ biez uzhadnieńnia ź miascovymi orhanami ŭłady. Ab hetym kiraŭnik dziaržavy zajaviŭ siońnia ŭ čas razmovy ŭ Mahilovie z rabotnikami pradpryjemstvaŭ kampanii «Kronaspan».
«Ni ŭ jakim razie nielha skaračać i zvalniać ludziej biez ŭzhadnieńnia ź miascovymi orhanami ŭłady», — zajaviŭ jon.
Jon patłumačyŭ, što hetaje rašeńnie pradyktavanaje nie namieram zastaparyć praces zvalnieńniaŭ i pryjomu na pracu. Kiraŭnik dziaržavy kanstatavaŭ, što jość i niesumlennyja rabotniki, jakija nie trymajucca za pracu.
«Naturalna, kiraŭnik takich ludziej trymać nie budzie. I nie treba. A siońnia ž, kali ja patrabuju siaredni zarobak u Br1 tys., užo niekatoryja padumvajuć: tak, damo Br1 tys., ale skarocim peŭnuju kolkaść ludziej, u tym liku narmalnych rabotnikaŭ, — adznačyŭ jon. — Voś hetaha biez uzhadnieńnia ź miascovymi orhanami ŭłady rabić nielha».
Alaksandr Łukašenka ŭdakładniŭ, što heta źviazana ź nieabchodnaściu pracaŭładkavańnia vyzvalajemych rabotnikaŭ u inšym miescy. «Nielha ŭ ciažki čas vykidvać ludziej na vulicu. Heta niapravilna. Niachaj heta nie rynkava, ale pakul my budziem dziejničać hetkim čynam», — padkreśliŭ biełaruski kiraŭnik.
-
Paŭłu Mickieviču, jaki źjechaŭ ź Biełarusi jašče ŭ 2000-ch, zavočna prysudzili piać hadoŭ kałonii
-
Zvarščyk z Oršy zahinuŭ na vajnie. Žonka dva hady biłasia za hrabavyja — i ŭsio ž vybiła ich
-
Uźbiek prylacieŭ pracavać u Biełaruś, ale nie znajšoŭ tut pracy. Viartaŭsia dadomu jon z dapamohaju dypłamataŭ i na mylicach
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku25
Kamientary