Palicyja Maskvy zatrymała pa padazreńni ŭ kradziažy 251,7 miljona rasijskich rubloŭ (adpaviadaje $4,4 miljona) z AAT «Bank «MBFI» dvuch supracoŭnikaŭ banka. Abodva jany — uradžency Biełarusi. Pra heta paviedamlaje Ahienctva haradskich navin «Moskva».
Hrošy z banka źnikli jašče ŭ 2016 hodzie, ale padazravanych zatrymali tolki 28 krasavika.
41-hadovaja Alena Mielnikava pracavała zahadčycaj kasaj upraŭleńnia ŭ adnym z adździaleńniaŭ Mižnarodnaha banka finansaŭ i inviestycyj u Maskvie. 27-hadovy Dzianis Cimafiajuk, byŭ načalnikam upraŭleńnia kredytavańnia i inviestycyj u hetym ža adździaleńni.
Pavodle śledstva, u krasaviku 2016 h. zahadčyca kasaj upraŭleńnia kasavych apieracyj AAT «Bank «MBFI» Mielnikava ŭ ofisie banka pa Padsasionskim zav., vyrašyła prysvoić hrošy, jakija naležali kredytnaj arhanizacyi. Dla hetaha jana ŭstupiła ŭ zmovu z načalnikam upraŭleńnia kredytavańnia i inviestycyj Cimafiejukom i inšymi niavyznačanymi asobami.
Mielnikava viedała, što ŭ banku na zachoŭvańni było 256,9 młn rasijskich rubloŭ. Cimafiajuk pavinien byŭ skryć ślady złačynstva, aformiŭšy raschodnyja dakumienty, zhodna ź jakimi vykradzienyja hrošy nibyta vydadzienyja klijentam banka ŭ jakaści kredytaŭ. Z 19 pa 27 krasavika 2016 h. Mielnikava prysvoiła sabie 251,7 młn rasijskich rubloŭ, jakija znachodzilisia ŭ schoviščy.
U kancy krasavika 2016 h. ŚMI paviedamlali, što bank MBFI byŭ adklučany ad sistemy bankaŭskich elektronnych terminovych płaciažoŭ.
Kryminalnuju spravu pa artykule ab prysvajeńni abo rastracie ŭzbudzili praz hod, 28 krasavika 2017 h. Abodvuch padazravanych zatrymali ŭ toj ža dzień. Fihuranty spravy znachodziacca pad padpiskaj ab niavyjeździe.
Paśla prysvajeńnia hrošaj biełarusy pačali ich tracić. Mienavita bujnyja pakupki — nieruchomaść, mašyny i naviedvańnie darahich kram i restaranaŭ pryciahnuli ŭvahu supracoŭnikaŭ biaśpieki banka.
Jak paviedamlaje «Komsomolskaja pravda», «nie vyklučana, što na samoj spravie hetyja supracoŭniki byli tolki vykanaŭcami machinacyi, jakaja była pradumana na bolš vysokim uzroŭni». Zanadta vialikija sumy pačali terminova vyvodzicca z rachunkaŭ, ale tady ŭ słužbie biaśpieki i kiraŭnictvie banka nichto čamuści nibyta nie źviarnuŭ na heta ŭvahu», — piša vydańnie.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia2
Kamientary