Pres-sakratar Biełaha doma Šon Spajsier sychodzić sa svajoj pasady ŭ znak pratestu suprać pryznačeńnia novaha dyrektara pa kamunikacyjach, paviedamlaje VVS sa spasyłkaj na amierykanskija ŚMI.
Pavodle danych New York Times, jon ličyć «vielizarnaj pamyłkaj» rašeńnie prezidenta ZŠA Donalda Trampa pryznačyć na hety post Entani Skaramučy. Aficyjna pra pryznačeńnie pakul nie paviedamlałasia.
Spajsier z 2011 hoda byŭ aficyjnym pradstaŭnikom Nacyjanalnaha kamiteta Respublikanskaj partyi. U 2015 hodzie jon taksama zaniaŭ pasadu hałoŭnaha śpiecyjalista pa pytańniach stratehii partyi.
Šon Spajsier zaniaŭ pasadu pres-sakratara Biełaha doma 20 studzienia i nabyŭ skandalnuju reputacyju za čas pracy z-za składanych adnosin z žurnalistami.
Z pačatku červienia Bieły dom zamiest štodzionnych bryfinhaŭ na kamieru staŭ pravodzić u asnoŭnym zakrytyja bryfinhi, pryčym bolšaść ź ich viała namieśnik Spajsiera Sara Sanders.
Papiaredni dyrektar pa kamunikacyjach Biełaha doma Majkł Dabki syšoŭ sa svajoj pasady ŭ kancy maja, praz try miesiacy paśla pryznačeńnia.
Amierykanskija ŚMI pisali, što ŭ chodzie reform, zadumanych pad kiraŭnictvam Dabki, Šon Spajsier pavinien byŭ zachavać pasadu pres-sakratara prezidenta, ale radziej vystupać pierad žurnalistami.
Finansist Entani Skaramučy uvajšoŭ u štab Trampa ŭ letam 2016 hoda, jon dapamahaŭ pryciahvać srodki na pieradvybarčuju kampaniju. Paśla pieramohi Trampa Skaramučy niekatory čas zajmaŭ pasadu daradcy Trampa pa ŭzajemadziejańni ź biznesam.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč27
Kamientary