Palicejski atrad pad vyhladam terarystaŭ zmoh mienš čym za 5 chvilin praniknuć u brytanski parłamient i ŭziać šturmam Pałatu abščyn. Pra heta piša DW sa spasyłkaj na vydańnie The Sunday Telegraph.
Brytanskaja palicyja praviała sakretnuju pravierku achoŭnych sistem brytanskaha parłamienta i vyjaviła surjoznyja parušeńni. Jak vyśvietliłasia padčas apieracyi, atradu terarystaŭ spatrebicca mienš za piać chvilin, kab praniknuć unutr, dzie jany bieśpieraškodna zmohuć pačać raźniu. Pra heta ŭ niadzielu, 27 žniŭnia, paviedamlaje vydańnie The Sunday Telegraph sa spasyłkaj na krynicy, znajomyja z chodam testu.
Pa słovach krynic vydańnia, ich «šakavała» słabaść abarony brytanskaha parłamienta. Adzin z parłamientaryjaŭ zaŭvažyŭ, što jany źjaŭlajucca «lohkaj zdabyčaj», a druhi — što hramadskaść była b «u žachu», kali b jaje aznajomili z vynikami testu.
Simulavanaja ataka na brytanski parłamient, jakuju trymali ŭ sakrecie ad bolšaści parłamientaryjaŭ i rabotnikaŭ viedamstva, była praviedziena nočču z boku Temzy. Palicyjanty pad vyhladam terarystaŭ padpłyli na łodcy, a ŭzbrojeny achoŭnik, jaki dziažuryŭ z boku raki, nie zmoh ich spynić. Paśla praniknieńnia ŭ budynak jany praviali «šturm» Pałaty abščyn.
Kamientary