Ambasadar Litvy ŭ Biełarusi Andrus Pułokas byŭ vyklikany siońnia ŭ Ministerstva zamiežnych spraŭ, dzie jamu była ŭručanaja nota ŭ suviazi z faktam parušeńnia miažy našaj krainy ŭzbrojenymi supracoŭnikami pamiežnaj słužby Litvy, paviedamlaje pres-słužba viedamstva.
28 vieraśnia ŭ punkcie propusku Katłoŭka-Łavaryškies supracoŭniki Słužby achovy Dziaržaŭnaj Miažy Ministerstva ŭnutranych spraŭ Litvy pasprabavali z užyvańniem siły zatrymać dvuch hramadzian Biełarusi spačatku na litoŭskaj, a zatym i na biełaruskaj terytoryi. Pry hetym, budučy ŭzbrojenymi, jany pierasiekli dziaržaŭnuju miažu Biełarusi i pahłybilisia na terytoryju našaj krainy da 40 mietraŭ.
Pabačyŭšy biełaruski pamiežny narad, supracoŭniki SADM paśla niaŭdałaj sproby zatrymańnia biez tłumačeńniaŭ svaich dziejańniaŭ śpiešna viarnulisia na terytoryju Litvy.
«Niebiaśpiečnyja dziejańni ŭzbrojenych litoŭskich pamiežnikaŭ adbylisia ŭ abstanoŭcy napružanaści ŭ rehijonie, šmat u čym stvoranaj šmatlikimi zajavami litoŭskich uładaŭ z nahody vučeńniaŭ «Zachad-2017», jakija pry hetym nie paćvierdzilisia», — havorycca ŭ paviedamleńni MZS.
U suviazi ź incydentam pa inicyjatyvie biełaruskaha boku 30 vieraśnia adbyłasia rabočaja sustreča pamiežnych upaŭnavažanych Biełarusi i Litvy, pa vynikach jakoj litoŭski bok pryznaŭ fakt incydentu i prynios prabačeńni.
Jak padkreślena ŭ nocie MZS, biełaruski bok čakaje aficyjnych tłumačeńniaŭ, a taksama taho, što litoŭski bok prymie ŭsie nieabchodnyja miery dla niedapuščeńnia padobnych incydentaŭ u budučyni.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było55
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było5
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary