Adchileny ad pasady ŭładami Ispanii kiraŭnik urada Katałonii Karles Pučdemon i piać jaho ministraŭ u paniadziełak źjechali ŭ Bielhiju. Infarmacyju ab pryjeździe kiraŭnika aŭtanomii ŭ Brusel paćvierdziŭ naniaty im bielhijski advakat Pol Biekar, paviedamlajuć bielhijskija ŚMI
Advakat admoviŭsia skazać, ci paprasiŭ Pučdemon palityčnaha prytułku ŭ Bielhii. Pavodle jaho słoŭ, kiraŭnik Katałonii naniaŭ jaho dla mahčymaj jurydyčnaj abarony.
«Kali jamu spatrebicca jurydyčnaja abarona, ja budu pradstaŭlać jaho, — skazaŭ advakat. — Pytańnie prytułku zastajecca adkrytym».
Le Soir hałoŭnaj navinoj ranicy tak i stavić pytańnie: «Pučdemon budzie prasić prytułku? Jašče ničoha nie vyrašana, kaža jaho advakat».
Ispanskaja presa zakidaje advakatu, što jon bolš za 30 hadoŭ zajmaŭsia abaronaj členaŭ baskonskaj sieparatysckaj hrupoŭki ETA, jakija apynulisia ŭ Bielhii. Urad Ispanii patrabavaŭ ich ekstradycyi.
«Mabyć, u suviazi z hetym maim vopytam, jon [Pučdemon] źviarnuŭsia da mianie pa dapamohu», — skazaŭ Biekar.
Presa Ispanii paviedamlaje, što Pučdemon maje namier sustrecca ŭ Bruseli z pradstaŭnikami partyi fłamandskich nacyjanalistaŭ «Novy fłamandski aljans» (NVA), jakaja ŭvachodzić u kirujučuju ŭ Bielhii ŭradavuju kaalicyju, adnak u partyi hetuju infarmacyju nie paćvierdzili.
Pavodle infarmacyi ispanskaha ahienctva EFE, Pučdemon i piaciora ministraŭ katałonskaha ŭrada pakinuli aŭtanomiju na aŭtamabili, dajechaŭšy da Marsela na paŭdniovym uschodzie Francyi (šlach z Barsiełony ŭ Marsel zajmaje prykładna piać hadzin), a adtul samalotam adpravilisia ŭ Bielhiju.
Razam z Pučdemonam u Bielhiju adpravilisia ministr kiravańnia i instytucyjnych adnosin Katałonii Mierytčel Baras, ministr pa pytańniach achovy zdaroŭja Antoni Komin, ministr unutranych spraŭ katałonskaha ŭrada Žaakim Forna, ministr pracy, sacyjalnych pytańniaŭ i siamji Dałores Basa, a taksama ministr pa sielskaj haspadarcy Mierytčel Sieržt.
U paniadziełak hienprakuror Ispanii Chaze Manuel Masa zaklikaŭ vystavić suprać byłych kiraŭnikoŭ Katałonii abvinavačvańni ŭ arhanizacyi buntu i niezakonnaha vykarystańnia dziaržaŭnaha biudžetu.
Kali Karles Pučdemon budzie pryznany vinavatym u arhanizacyi buntu, jamu pahražaje 30-hadovy turemny termin. Pavodle zakonaŭ Ispanii, zajaŭka prakurora pavinna być spačatku razhledžana sudździoj.
***
Na telehram-kanał «Našaj Nivy» možna padpisacca tut.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było44
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było4
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary