Arhkamitet pa adznačeńni stahodździa BNR nakiravaŭ zvarot da mera Minska pra los pamiatnaj doški
Arhkamitet pa adznačeńni stahodździa Biełaruskaj Narodnaj Respubliki nakiravaŭ zvarot da staršyni Mienharvykankamu Andreja Šorca. U im havorycca pra nieabhruntavanaje zamarudžvańnie ŭstalavańnia pamiatnaj šyldy na budynku pa vulicy Vaładarskaha, 9, u jakim była abvieščana niezaležnaść BNR, piša «Radyjo Svaboda».
Pamiatnaja doška, vyrablenaja 25 hadoŭ tamu skulptaram Alesiem Šaternikam i čverć stahodździa, była ŭzhodniena z uładami napiaredadni sioletniaha adznačeńnia stahodździa BNR.
Za košt achviaravańniaŭ skulptar Ihar Zasimovič vyrabiŭ novuju pamiatnuju došku z bronzy. Mastackaja rada Mienharvykankamu jašče ŭ krasaviku jaje zaćvierdziła, adnak, nasupierak raniejšym damoŭlenaściam, aficyjnaha rašeńnia Mienharvykankamu niama dahetul.
U zvarocie nacyjanalny arhanizacyjny kamitet pa adznačeńni stahodździa Biełaruskaj Narodnaj Respubliki padkreślivaje vysoki ŭzrovień imprezaŭ, jakija adbylisia z nahody jubileju, ale vykazvaje zaniepakojenaść zamarudžvańniem spravy z ustalavańniem raniej uzhodnienaj miemaryjalnaj šyldy. Hramadzkaść prosić Mienharvykankam razhledzieć chadajnictva Biełaruskaha sajuzu mastakoŭ adnosna ŭstalavańnie šyldy ŭ najchutčejšy termin.
Zvarot da Mienharvykankamu padpisali staršynia arhkamitetu, akademik Radzim Harecki, mastak Mikoła Kupava, staršynia Partyi BNF Ryhor Kastusioŭ, siabra Sojmu Partyi BNF Aleś Žučkoŭ, śviatar Leanid Akałovič, deputat Viarchoŭnaha Savietu 12-ha sklikańnia Lavon Barščeŭski.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary