Izalavanaje plemia na indyjskim vostravie zabiła amierykanskaha prapaviednika
Amerykaniec zahinuŭ na indyjskim vostravie, jaki źjaŭlajecca domam dla izalavanaha plemieni. Jano viadomaje tym, što napadaje na čužyncaŭ z łukami i strełami, pieradaje radyjo «Svaboda».
Čałaviek, identyfikavany jak Džon Čaŭ, pryjechaŭ na Paŭnočny Sentynelski vostraŭ, dzie žyvie plemia sentynelcaŭ. Palicyja zatrymała siamioch rybakoŭ za toje, što jany dapamahli 27-hadovamu amerykancu trapić tudy.
Sentynelcy zastajucca siarod apošnich plamionaŭ u śviecie, jakich nie kranuła sučasnaja cyvilizacyja. Jany viadomyja poŭnaj admovaj ad kantaktu z čužyncami i časta napadajuć na luboha, chto nabližajecca da ich.
Svajaki Čaŭ vykazali ŭ Instagram smutak z nahody jaho śmierci. Siamja taksama zaklikała pravaachoŭnikaŭ vyzvalić tych, chto dapamahaŭ Čaŭ trapić na vostraŭ.
Zapisy ŭ sacyjalnych sietkach śviedčać, što Čaŭ na praciahu apošnich niekalkich hadoŭ padarožničaŭ pa roznych častkach paŭdniovaj Indyi i prapaviedavaŭ chryścijanstva.
Sentynelcy mnohija tysiačy hadoŭ žyvuć biez kantaktaŭ ź inšymi cyvilizacyjami. Jany nie ŭmiejuć zdabyvać ahoń, palujuć z dapamohaj łukaŭ i streł i atakujuć z łukaŭ viertaloty ź ludźmi, jakija prylatajuć nazirać za ich žyćciom. Kolkaść plemieni nieviadomaja, ale aceńvajecca prykładna jak 150 čałaviek. Sentynelcy — samy zakryty z narodaŭ, jakija nasialajuć astravy.
Kamientary