Davydźka: U 1994-m ja hałasavaŭ nie za Łukašenku. I ŭ siamji amal adbyŭsia razryŭ
Kiraŭnik «Biełaj Rusi», były staršynia Biełteleradyjokampanii Hienadź Davydźka ŭ našaniŭskaj videaprahramie «Tok» raspavioŭ pra toje, jak vybary 1994 hoda padzialili jaho siamju.
U kancy 1980-ch i pačatku 1990-ch Davydźka byŭ prychilnikam idej nacyjanalnaha adradžeńnia. Na partyjnym schodzie ŭ Kupałaŭskim teatry jon padtrymaŭ stvareńnie Martyrałoha Biełarusi i Biełaruskaha narodnaha frontu. A paśla Davydźka, sakratar partyjnaj arhanizacyi, pakazalna vyjšaŭ z KPB.
***
— U 1994 hodzie vy za kaho hałasavali? Za Paźniaka?
— U 1994 hodzie ja hałasavaŭ nie za Paźniaka. Ja hałasavaŭ, pa-mojmu, za Kiebiča. Ale i nie za Alaksandra Ryhoraviča Łukašenku.
— Kali vy daviedalisia…
— A Paźniak mianie pałochaŭ. Mnie jon nie padabaŭsia, adrazu nie padabaŭsia. Bo ja nie radykał pa svajoj sutnaści, ja nie lublu revalucyj. Potym… Nu ja ŭsio-tki byŭ nacyjanalna daśviedčany, jak mnie zdavałasia. A Paźniak byŭ dla mianie niesimpatyčny. A ja liču, što lidar pavinien być simpatyčny.
I ŭ mianie ŭ siamji adbyŭsia — nu nie kanflikt, ja nie viedaju, jak skazać. Amal što razryŭ. Z baćkam. Moj baćka byŭ «łukašenkaviec». Jon mitynhi źbiraŭ vakoł siabie. Jon ahitavaŭ! Nichto jaho nie prasiŭ. «Ja za Łukašenku! Ja za Łukašenku!» — «Bacia, nu tvaja sprava, a što ty mianie ahituješ?
Ja nie viedaju, što takoje «karupcyja», ź jakoj Alaksandr Ryhoravič zmahajecca. Ja nie viedaju, što mnie rabić». Jak ja na vybary pajšoŭ, nie pamiataju dakładna hety momant, ale
kali byli ŭžo źviestki, što pieramoh Łukašenka, ja pamiataju ščaślivaha baćku, jaki kazaŭ: «Voś bačyš! Ja narod razumieju, a ty pahladzi na siabie».
Ja kažu: «Dyk nie, heta ž upieršyniu prezident źjaviŭsia, my ž ź jaho i patrabavać budziem, z prezidenta. Nu i padtrymlivać budziem».
Niejkaja takaja razmova. My siadzieli z baćkam, vypivali, ja jaho pavinšavaŭ. I my tak damovilisia, što pahladzim. Ja kažu: «Nu, pahladzim». Jon kaža: «Dy što hladzieć! Voś tak budzie ŭsio!» Moj baćka hladzieŭ na rečy kankretna. Jon, jak akazałasia, mieŭ racyju.
Hladzieć całkam:
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary