Nieviadomyja vyviesili rasijski ściah na budaŭničym ryštavańni vakoł sabora ŭ Sołśbiery ranicaj u niadzielu. Pałotnišča pravisieła nie mienš za hadzinu, piša Bi-bi-si.
Ściah Rasii, vyviešany na paŭnočnym baku budynka, zaŭvažyli na dośvitku, paviedamiła radyjostancyja Spire FM. U Sołśbiery sonca ŭzyšło ŭ 07:17 pa miascovym časie. Imavierna, ściah źjaviŭsia tam nočču.
Vidavočca Li Marcin raspavioŭ Bi-bi-si, što ŭbačyŭ ściah pamieram pryblizna 10 na 7 mietraŭ na dośvitku.
U 8:30 ranicy ściah prybrali, udakładnili ŭ pres-słužbie sabora. U palicyi zajavili, što pakul rana sudzić, ci ŭtrymlivaje hety fakt skład złačynstva, palicyjanty vyvučajuć zapisy z kamier videanazirańnia.
Stan zdaroŭja byłoha aficera HRU Skrypala pahoršyŭsia
Probašč sabora Nikałas Papadopułas nazvaŭ toje, što adbyłosia «vybitnym hłupstvam», jakoje «prynižaje vielizarnyja asabistyja trahiedyi i škodu, naniesienuju Sołśbiery biesprecedentnymi napadami niervova-paralityčnym rečyvam u minułym hodzie».
Člen brytanskaha parłamienta Džon Hlen taksama paličyŭ źjaŭleńnie rasijskaha ściaha na sabory «durnoj vychadkaj» i «ździekam nad surjoznymi padziejami, jakija adbylisia ŭ minułym hodzie ŭ Sołśbiery».
Były rasijski raźviedčyk Siarhiej Skrypal, jaki pražyvaŭ u Sołśbiery, i jaho dačka, byli atručany, jak śćviardžajuć brytanskija ŭłady, raspracavanym u SSSR niervova-paralityčnym rečyvam «Navičok» u vyniku apieracyi z udziełam supracoŭnikaŭ HRU. U Łondanie miarkujuć, što napad byŭ sankcyjanavany vyšejšym kiraŭnictvam Rasii. Maskva zajaŭlaje pra svaju niedatyčnaść da zamachu na žyćcio Skrypala.
Ad kantaktu z «Navičkom» paciarpieŭ palicejski Nik Bejli, a taksama Čarli Roŭli i Don Sterdžes. Bejli i Roŭli prajšli praciahłuju reabilitacyju, ale śćviardžajuć, što ich zdaroŭju naniesiena vialikaja škoda. Sterdžes pamierła.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč37
Kamientary